Altyndaı jarqyraǵan túsi úshin «altyn balyq» atalyp ketken balyqtyń erekshe súıkimdi túri adamdardyń «úsh tilegin oryndamaq» túgili, qorshaǵan ortaǵa qaýip tóndire bastady. Avstralııanyń Balyq sharýashylyǵy ortalyǵy ózenderdegi altyn balyqtardyń ósimin shekteýge shamasy jetpeı, dabyl qaǵýǵa májbúr boldy.
Vassa ózeninde ondaı balyqtardyń paıda bolǵanyna 10 jyldan aspaıdy. On jyldyń ishinde tez kóbeıip ketken balyqtar kózine kóringenniń bárin jeı beretin ashqaraqtyǵyn kórsetip, basqa balyqtardy qurta bastapty. Syrt kózge súıkimdi kóringen altyn balyqtar shóp-shalam, masa sııaqty jándikterdi aıtpaǵanda, balyqtardyń ýyldyryǵyn, ózinen turqy shaǵyn tuqymdastaryn qylǵyta beredi eken.
– Olardyń kóbeıip ketýine jergilikti halyqtyń ózi kináli. Akvarıýmda baǵyp júrgen balyqtaryn osy ózenge ákelip qoıa beredi. Qorshaǵan ortaǵa zııan keltiretinin eshqaısysy oılamaǵan, – deıdi balyq sharýashylyǵy ortalyǵynyń qyzmetkerleri.
Endi ortalyq qyzmetkerleri altyn balyqtardy aýlaýdyń qamymen álektenip jatyr.
Arnur ASQAR,
«Egemen Qazaqstan»