Qorqyt Ata atyndaǵy Qyzylorda memlekettik ýnıversıtetiniń Stýdentter saraıynda oblystyq ishki saıasat basqarmasynyń uıymdastyrýymen Semeı ıadrolyq polıgony jabylýynyń 25 jyldyǵyna arnalǵan «Semeı polıgonynyń jabylýy – Táýelsizdiktiń teńdessiz jeńisi» atty konferensııa ótti.
Konferensııa jumysyna oblystyń zııaly qaýym ókilderi, ardagerler, joǵary jáne orta oqý ornynyń oqytýshylary men úkimettik emes uıym músheleri qatysty.
Konferensııanyń ashylýynda oblys ákiminiń orynbasary Rýslan Rústemov: «Halqymyzdyń basyna san túrli qasiret ákelgen Semeı jerindegi ıadrolyq synaqtardy toqtatý – Táýelsiz el retinde Qazaqstannyń alǵashqy qabyldaǵan tarıhı sheshimderiniń biri boldy. Kemel oıdan týǵan kemeńger sheshim Qazaq eliniń álemdik órkenıetke beıbitshilikti jaqtaıtyn memleket retinde qadam basqanyn kórsetti «, – dep atap ótti.
Konferensııa barysynda «Antııadrolyq qozǵalys – táýelsizdik jarshysy», «Iаdrolyq qarýsyz álem – adamzattyń izgi muraty», «Manıfest – jahandyq qarýsyzdanýdyń negizgi qujaty» taqyryptarynda baıandamalar oqyldy. Sonymen qatar, elimizdiń qoǵamdyq-saıası ómirine belsene aralasyp, jastar boıyndaǵy otansúıgishtik qasıetterdi qalyptastyrýdaǵy elelýli eńbegi úshin oblystyń birqatar azamattardy oblys ákiminiń orynbasary Rýslan Rústemov «Alǵys hatpen» marapattady.
Talǵat RAIYMBEK