Elbasy Parlamentaralyq odaqtyń tóraǵasy Saber Choýdhýrımen kezdesti. Bul týraly akorda.kz habarlady.
Kezdesý barysynda parlamentaralyq ózara is-qımyldy nyǵaıtýdyń, uıymmen yntymaqtastyqty odan ári tereńdetýdiń perspektıvalary qaraldy. Taraptar sondaı-aq, halyqaralyq kún tártibindegi ózekti máselelerdi talqylady.
Memleket basshysy halyqaralyq antııadrolyq konferensııaǵa qatysý úshin elimizge saparmen kelgen S.Choýdhýrıge alǵys aıtty.
Nursultan Nazarbaev túrli elderdiń parlament músheleri arasyndaǵy tyǵyz baılanystyń, halyqaralyq qaýipsizdikti nyǵaıtý jáne ıadrolyq qarýdan azat álem qalyptastyrý úshin birlese qyzmet etý jolynda jumylýdyń mańyzdylyǵyn atap ótti.
S.Choýdhýrı qonaqjaılyq úshin alǵys aıtyp, elimizben strategııalyq jáne dostyq qarym-qatynasty odan ári damytý úshin barlyq kúsh-jigerin jumsaýǵa daıyn ekenin jetkizdi.
Aıdar О́RISBAEV