Jaqynda Majarstanda shaǵyn fýtboldan áýesqoı fýtbolshylar arasynda Eýropa chempıonaty ótti. Onda Qazaqstan quramasy fınalda Horvatııa komandasymen kezdesip, jeńiske jetti. Matchtyń negizgi ýaqyty 2:2 esebimen aıaqtaldy. Sodan keıin penaltı serııasynda jerlesterimiz 6:5 esebimen utty.
Kezdesýdiń negizgi ýaqytynda Ahmet Sháripov dýbl jasady. Sóıtip, elimiz quramasy alǵash ret shaǵyn fýtboldan áýesqoılar arasyndaǵy Eýropanyń basty dodasynda jeńdi.
Bul synǵa saıdyń tasyndaı iriktelgen 32 komanda qatysty. Olar 8 topqa bólinip oınady. Qazaqstan S tobynda Bosnııa jáne Gersogovına, Avstrııa jáne Lıtva quramalarymen kezdesti. Pleı-off kezeńindegi 1/16 fınalda Germanııamen oınap, 1:1 esebimen aıaqtalǵan matchta penaltı serııasynda basym tústi. Odan keıin 1/8 fınalda Majarstandy 5:1, shırek fınalda Bosnııa jáne Gersogovınany 3:1 etip utsa, jartylaı fınalda Chehııadan 3:0 esebimen basym tústi.
Eýropa dodasyna elimizdiń atynan «Esil» komandasy qatysty. Bul klýb Astana qalasynyń áýesqoı fýtbolshylar lıgasynda óner kórsetedi. Olar qalalyq lıgany jeńip alǵannan keıin Qazaqstan chempıony atanyp, Eýropa dodasyna joldama alǵan bolatyn.
Dastan KENJALIN,
«Egemen Qazaqstan»