Ońtústik Qytaı teńizindegi jattyǵý Reseı men Qytaı «Teńiz áriptestigi – 2016» áskerı-teńiz jattyǵýyn bastady. Ońtústik Qytaı teńizinde ótetin jattyǵýda Qytaıdyń kórshi eldermen daýy bar aýmaqtaǵy araldar men qaırańdardy «basyp alý jáne baqylaý ornatý» jaıy pysyqtalmaq.
Jattyǵýǵa sýasty qaıyqtary men kemeler, ushaqtar, amfıbııalar, áskerı basqa da tehnıkalar jáne teńiz áskerleri qatysady. Jattyǵý eki el arasyndaǵy strategııalyq áriptestik pen dostyq baılanysty nyǵaıtýǵa baǵyttalǵan deıdi Qytaı bıligi. Beıjiń men Máskeý arasyndaǵy birlesken jattyǵýlar sońǵy jyldary bul aımaqtaǵy AQSh pen onyń odaqtastarynyń áreketine qatysty jıi ótkiziletin boldy. Qazirgi kezde Qytaı Ońtústik Qytaı teńizi aýmaǵyna áskerı ınfraqurylymy bar jasandy araldar sala bastaǵan.
Apatqa qatysty jańa derekter bar sııaqty Polsha prezıdenti ushaǵynyń 2010 jyly Reseıdiń Smolensk qalasynyń mańynda apatqa ushyraýynyń sebebin anyqtaý jónindegi komıssııa apat bolǵan kúni reseılik dıspetcherlerdiń ne týraly sóıleskenin taldaı kelip, olar ushaq ekıpajyn shatastyrǵan degen pikirge kelgen. Komıssııa jetekshisi Vaslav Berchınskııdiń aıtýynsha, komıssııa Smolensk áýejaıynyń baqylaý munarasynda bolǵan áńgimelerdiń aýdıotaspasyn tyńdaǵan kezde dıspetcherlerdiń ushaq ekıpajyna áýejaıdyń ushý-qoný alańynyń qaı jerden bastalatyny týraly aqparatty qate bergenin anyqtaǵan. Tergeýshiler bul jaıt ushaq apatyna sebep bolýy múmkin dep sanaıdy. Komıssııa músheleri 15 qyrkúıekte baspasóz máslıhatyn ótkizip, apat sebebin tergeý isi jaıly barlyǵyn baıandap bermek. Smolensk túbindegi ushaq apatynan Polsha prezıdenti Leh Kachınskıımen birge 95 adam qaza tapqan edi.
Úmitker densaýlyǵynda ne kinárat bar? AQSh prezıdentigine Demokratııalyq partııadan kandıdat Hılları Klınton ózin jaqsy sezinetinin jáne jumysqa jaramsyz adam retinde otyra berý unamaıtynyn málimdedi. Sonymen qatar, ol óziniń saýyǵyp ketýine tilektestik bildirgenderdiń barlyǵyna alǵys aıtty. «Men ózimdi jaqsy sezinemin jáne saýyǵyp kelemin. Jaqyn kúnde saılaýaldy báseke kezinde qaıta kezdesetin bolamyz», – dedi saıasatker. О́tken dúısenbi kúni Hıları Klıntonnyń saılaýaldy shtaby bir aptanyń ishinde kandıdattyń densaýlyǵyna qatysty qosymsha málimetterdi jarııa etýge ýáde bergen edi. Senbi, 11 qyrkúıekte H.Klınton Nıý-Iorkte 2001 jylǵy terrorlyq aktiden qurban bolǵandardy eske alýǵa arnalǵan qaraly shara kezinde ózin nashar sezingen bolatyn. Qysqa qaıyryp aıtqanda:
Túrkııanyń Van qalasyndaǵy jarylystan jaralanǵan adamdardyń sany elýge jaqyndady. Jarylǵysh zat jasyrylǵan kólik bıliktegi Ádilet jáne damý partııasynyń aımaqtyq keńsesiniń mańynda jarylǵan. Keńsege jaqyn jerde polısııa bólimshesiniń qyzmet orny da bar eken. Avstrııada 2 qazanǵa taǵaıyndalǵan prezıdent saılaýy keıinge qaldyryldy. Bul jóninde eldiń ishki ister mınıstri Volfgang Sobotka málimdedi. Saılaý merzimin shegerýge poshta arqyly daýys berýge arnalǵan konvertterdegi sapasyz jelim sebep bolǵan. Sırııada áskerı qaqtyǵysty toqtatý týraly AQSh pen Reseı dıplomattarynyń kelisimi dúısenbide jergilikti ýaqyt boıynsha saǵat 19.00-de kúshine endi. Bitimge kelýdiń bastalýy Qurban aıt meıramyna baılanysty. Argentına ǵalymdary eldiń soltústigindegi El-Chako provınsııasynan salmaǵy 30 tonnadan asatyn meteorıt tapty. Astronomdar bul aýmaq tórt myń jyl buryn meteorıt «jańbyryna» ushyraǵanyn aıtady.Kemeron parlamentten ketetinin habarlady Ulybrıtanııanyń burynǵy premer-mınıstri Devıd Kemeron óziniń Konservatıvtik partııadan Brıtanııa parlamentiniń qaýymdar palatasy músheligine saılanǵan qyzmetinen ketetinin habarlady. Devıd Kemeronnyń sózine qaraǵanda, ol parlamenttegi jumysyn ózine artylǵan senim jáne úlken mártebe dep sanaıdy. Biraq, bul laýazymda otyra berý ózi úshin qıyn jáne ol jańa úkimettiń jumysyna kedergi jasaǵysy kelmeıdi. Sondaı-aq, Kemeron premer-mınıstr kezinde ózi qarsylyq bildirgen bilim berý júıesin reformalaý jónindegi úkimettiń josparyna baılanysty emes ekenin de atap ótti. Onyń parlamentten ketý sheshimin eldiń qazirgi premer-mınıstri Tereza Meı de túsinistikpen qabyldaǵan. D.Kemeron osy jyldyń 24 maýsymynda Ulybrıtanııanyń Eýropalyq odaqqa múshelik týraly referendým nátıjesi boıynsha otstavkaǵa ketken edi.
Belarýs parlamentindegi oppozısıoner Jeksenbi kúni Belorýssııada parlament saılaýy ótti. Ortalyq saılaý komıssııasynyń málimeti boıynsha, daýys berýge saılaýshylardyń 74,32 paıyzy qatysqan. Parlament saılaýyna túsken 521 kandıdattyń 176-sy oppozısııa ókilderi eken. Daýys berý barysyn Eýropadaǵy qaýipsizdik jáne yntymaqtastyq uıymynan 400-den astam baıqaýshy qadaǵalaǵan. Keıbir aqparat kózderine qaraǵanda, Belarýs parlamentindegi 110 orynnyń keminde bireýin oppozısııalyq partııa – Birikken azamattyq partııa ókili alǵan kórinedi. Ortalyq saılaý komıssııasynyń tóraıymy Lıdııa Ermoshınanyń habardar etýinshe, Birikken azamattyq partııanyń múshesi Anna Konopaskaıa Mınsk qalasyndaǵy saılaý okrýgteriniń birinde jeńiske jetken. Oppozısıoner 2015 jyly Belarýs prezıdenttigine kandıdat retinde saılaýǵa túsken Tatıana Korotkevıchtiń ózin artta qaldyrypty.
Iаdrolyq qarýyn synaýdy jalǵastyrady Ońtústik Koreıanyń buqaralyq aqparat quraldary bir sheneýniktiń sózine silteme jasaý arqyly Soltústik Koreıa taǵy bir ıadrolyq qarýyn synaqtan ótkizýge daıyn dep habarlady. Koreıalyq agenttikterdiń taratqan aqparattary boıynsha, Phenıan ózderiniń Pýngıne-rı atalatyn polıgonyndaǵy buryn qoldanbaǵan jerasty týnneldi synaqqa daıyndaý jumystaryn tolyqtaı aıaqtaǵan. Soltústik Koreıa 9 qyrkúıekte besinshi ret ıadrolyq qarýyn synaqtan ótkizgen edi. Sol kúni BUU-nyń Qaýipsizdik keńesi Phenıanǵa qosymsha sanksııalar salý jóninde keńesken bolatyn. Soltústik Koreıa ıadrolyq qarýyn alǵash ret synaǵan 2006 jyldan beri bul elge besinshi márte sanksııa salynyp otyr. AQSh KHDR-ǵa sanksııa salýǵa daıyn ekenin málimdedi. Al Phenıan ózine qarsy narazy pikirlerdi elemeıtinin bildirip te úlgerdi.
Internet materıaldary negizinde ázirlendi