50 jobanyń tetigi iske qosyldy

Keshe Memlekettik hatshy Gúlshara Ábdiqalyqova Eýropadaǵy qaýipsizdik jáne yntymaqtastyq uıymynyń Astanadaǵy Baǵdarlamalar ofısiniń basshysy Derd Sabomen kezdesti. Kezdesý barysynda Qazaq­stan­nyń EQYU sheńberindegi yn­ty­­maq­tastyǵynyń qazirgi jaı-kúıi men aldaǵy perspektıva­lary talqylandy. G.Ábdiqa­ly­qo­va óziniń sózinde 2010 jyly Asta­nada ótken EQYU sammı­tiniń qorytyndysy boıynsha qa­byl­­danǵan «Qaýipsizdik qo­ǵam­das­tyǵy jolynda» atty Asta­na deklarasııa­syn júzege asyrý Qazaq­stannyń basty qyz­met­teri­niń biri ekenin atap ótti. Sonymen qatar, Memlekettik hatshy EQYU-nyń Astanadaǵy Baǵdarlamalar ofısimen arada jolǵa qoıylǵan jumys tetigi jergilikti jerlerde uıymnyń tıimdiligin odan ári arttyra tú­sýdiń úlgisine aınalǵanyn jet­kizdi. Bul rette, ol jobalardy ázir­leý, úkimettik qurylymdarmen birle­se otyryp, jumystardy jal­py josparlaý jáne ony Syrt­qy ister mınıstrligimen úıles­tirý úderisine kóńili tolaty­nyn bil­dirdi. Máselen, bıyl Qa­zaq­stan­nyń múddeli memlekettik organdary EQYU-men birlesken 50 jo­bany nátıjeli júzege asyryp keledi. G.Ábdiqalyqova qaýipsizdikke qater tóndirip turǵan halyqaralyq, jer­gilikti jáne dinaralyq qaqty­ǵys­tardyń aldyn alýda Qazaqstan Prezıdenti Nursultan Nazarbaev­tyń «Álem. XXI ǵasyr» manıfesi­niń ózektiligin atap ótti. Sondaı-aq, ol Derd Sabony Bes ınstı­týttyq reformany iske asyrý jó­nindegi Ult Josparynyń oryndalý barysy jáne el Táýelsizdiginiń 25 jyldyǵyn merekeleý aıasynda ótetin is-sharalar týraly da ha­bardar etti. Buǵan qosa, táýelsiz­dik jyldarynda ekonomıka ny­ǵaıyp, halyqtyń ál-aýqaty art­qanyn, Qazaqstan qoǵamy jal­pyulttyq kelisim men qoǵamdyq turaq­tylyq­tyń úlgisi retinde qaras­tyrylyp otyrǵanyn, al elimiz jaýapty ári qurmetti halyqaralyq seriktes retinde tanylǵanyn jetkizdi. Al EQYU-nyń Astanadaǵy Baǵdarlamalar ofısiniń basshysy Memlekettik hatshyǵa jyly qabyldaýy úshin alǵys aıtyp, EQYU-nyń Qazaqstanmen aradaǵy yqpaldastyǵy aldaǵy ýaqytta da nátıjeli ári jemisti bola beretinine senim bildirdi. Bul kúni taraptar Astana EKSPO-2017 halyqaralyq kór­mesine EQYU-nyń qatysý máse­lesin de talqylady. Kezdesý soń­ynda G.Ábdiqalyqova Qazaq­stan men EQYU arasyndaǵy únqa­tysý men ózara túsinistikti ny­ǵaı­tý jolyndaǵy Derd Sabonyń qyzmetine tabys tiledi. Memlekettik hatshymen kez­desý aıasynda EQYU-nyń Astana­daǵy Baǵdarlamalar ofısiniń basshysy jýrnalısterge de suhbat berdi. Osydan 6 jyl buryn Astana­da EQYU-nyń aýqymdy sammı­ti ótkenin bilesizder. Bul jıyn óte joǵary deńgeıde uıymdas­tyrylǵany esimde. Sol ýaqyttan beri mundaı deńgeıdegi basqosýdy ótkize alǵan joqpyz. Árıne, bul bizdiń aldymyzda maqsat-mindetter joq degendi bildirmeıdi. Bizdiń nazarymyzda turǵan jaýap­kershilikke toly, túrli baǵyt­taǵy jumystar jeterlik. Olar­dy EQYU-nyń Astanadaǵy Baǵ­dar­lamalar ofısinde birlese atqaryp, jumystardyń nátıjeli bolýyna kúsh jumsap kelemiz, dedi óziniń sózinde Derd Sabo. D.Sabonyń aıtýynsha, Vena­daǵy shtab-páterde EQYU aıa­syn­daǵy negizgi úsh baǵyt – áske­rı-saıası, ekonomıkalyq-ekolo­gııalyq, adamı kapıtal ólshemderi boıynsha atqarylatyn jumystar ár­daıym jáne turaqty túrde súzgi­den ótip otyrady eken. Bizdiń min­detimizdiń biri – Ortalyq Azııa­daǵy jastardy bir-birine jaqyn­datý, olardyń birlese jumys atqarýyna uıytqy bolý. Osy oraıda, bizdiń «Jastardyń orta­lyq­azııalyq jelisi» dep atalatyn dástúrli baǵdarlamamyz bar. Bul baǵdarlamanyń negizi qalanǵanyna 11 jyl boldy. Bul bolashaq úshin qajet baǵdarlama dep oılaımyn, dedi bul rette ofıs basshysy. Sonymen qatar, ol EQYU-nyń Astanadaǵy baǵdar­lamalar ofısi áıelderdiń quqyǵyn qorǵaý, olardyń kásipkerligin qoldaý, «Jasyl» ekonomıkany damytý sekildi baǵyttar boıynsha da nátıjeli jumystar atqaryp keletinin jetkizdi. Jalpy alǵanda, sizderdiń damy­ǵan, zamanaýı memleketti qa­lyp­tastyrý, jańa elordanyń tuǵy­­ryn bıiktetý baǵytyndaǵy usta­nym­daryńyz kópshilikti qyzyq­­tyrady. Qazaqstannyń ózekti ári túıtkildi máselelerdi sheshý­ge degen umtylysyn da aıryq­sha baǵalar edim, dedi óziniń suh­ba­tynda D.Sabo. Láıla EDILQYZY, «Egemen Qazaqstan»