Aqtaýda jyl saıyn ótetin dástúrli Shoqyr Bóltekuly atyndaǵy halyqaralyq týrırge bıyl 150-den astam boksshy qatysady.
Bıyl qazaq boksynyń atasy Shoqyr Bóltekulynyń týylǵanyna 100 jyl tolmaq. 1916 jyly Mańǵystaý oblysynyń Jarmysh aýylynda ómirge kelgen ol 1936 jyly Qazaqstanǵa áýesqoı boksty alǵash ákeldi. Sh.Bóltekuly basqarǵan Qazaq KSR qurama komandasy alǵash ret 1947 jyly KSRO chempıonatyna qatysty. О́zi rıngte 223 kezdesý ótkizip, onyń 199-ynda jeńiske jetken Shoqyr qazaq boks tarıhyna óshpesteı iz qaldyrdy.
Ekinshi dúnıejúzilik soǵystyń ardageri, KSRO jáne Qazaqstannyń birinshi sport sheberi, QR eńbek sińirgen jattyqtyrýshysy Shoqyr Bóltekulyn eske alýǵa arnalǵan halyqaralyq boks týrnıri Aqtaý qalasyndaǵy «Kaspıı» sport kesheninde 28 qyrkúıek-2 qazan aralyǵynda ótedi. Mańǵystaý oblystyq boks federasııasynyń habarlaýynsha, týrnırge Qazaqstan, Reseı, Monǵolııa, Ázerbaıjan, О́zbekstan, Qyrǵyzstan, Belorýssııa jáne Tájikstannan 150-den astam boksshy qatysady.
Gúlaıym ShYNTEMIRQYZY, Aqtaý