Búgin elordada «Astana EKSPO-2017» UK» AQ Basqarma tóraǵasy Ahmetjan Esimov birqatar shet memleketterdiń Qazaqstandaǵy elshilerimen kezdesý ótkizdi.
Kezdesýde Basqarma tóraǵasy elshilerdi kórmeni uıymdastyrý jumystarymen tolyǵyraq tanystyryp ótti.
– Qazirgi tańda EKSPO-2017 kórmesiniń qurylysy keste boıynsha júrgizilip keledi. Búginge deıin 103 memleket pen 17 halyqaralyq uıym kórmege qatysatyndyǵyn resmı rastady. Seksııa komıssarlarynyń 98-i taǵaıyndaldy. Memleketter men halyqaralyq uıymdardy qosa alǵanda 82 qatysý kelisimshartyna qol qoıyldy, – dedi A.Esimov.
Odan ári Basqarma tóraǵasy barlyq pavılondar daıyndalyp, kommýnıkasııalar ázirlengenin, aldaǵy aılarda qatysýshy elder ózderiniń pavılondaryn retteýge daıyn bolýlary kerek ekenin atap ótti.
Jıyn sońynda Ázerbaıjan, Italııa, Indonezııa jáne Malaızııa memleketteriniń Qazaqstandaǵy elshileriniń qatysýymen brıfıng ótti. Onda elshiler óz elderiniń EKSPO-2017 kórmesine belsene qatysatynyn jetkizdi.
Joldybaı BAZAR