Samsung Electronics iri ońtústikkoreıalyq elektronıka kompanııasynyń basshylyǵy 2016 jyldyń tórtinshi toqsanynda jáne 2017 jyldyń birinshi toqsanynda Galaxy Note 7 smartfonynyń satylymyn toqtatýdan 3 trln. von nemese 3 mlrd. AQSh dollary kóleminde shyǵynǵa ushyraıtyndyǵyn málim etti.
Bul týraly kompanııa taratqan baspasóz málimdemesinde aıtylǵan, dep habarlaıdy «TASS» agenttigi.
Kompanııa smartfon naryǵyndaǵy ahýaldy Galaxy S7 jáne Galaxy S7 edge jańa úlgilerin shyǵarýmen turaqtandyrýǵa nıetti.
«Samsung kompanııasy akkýmýlıator batareıasymen bolǵan problemalar úshin naryqtan qaıtaryp alýǵa týra kelgen Galaxy Note 7 smartfonynyń sátsiz debıýtine baılanysty qyrýar shyǵynǵa batyp otyr. Kompanııa 2 qyrkúıek kúni satylymdardyń toqtatylǵanyn málimdep, aqaýlardy joıǵannan keıin olardy 1 qazan kúni qaıta naryqqa shyǵardy. Degenmen, bar-joǵy 10 kúnnen keıin korporasııa basshylyǵy «qaýipsizdik turǵysynan» atalmysh smartfondardyń óndirisi tolyǵymen toqtatylǵanyn jarııa etti. Aıta keteıik, Galaxy Note 7 amerıkalyq Apple kompanııasynyń iPhone 7 smartfonyna básekelestik týdyrady degen nıetpen shyǵarylǵan bolatyn