Qyrǵyzstan Respýblıkasy Chý oblysyndaǵy «Býrana» sáýlet-arheologııalyq keshenniń aýmaǵynda Júsip Balasaǵunnyń 1000 jyldyǵyna arnalǵan saltanatty shara ótip jatyr, dep habarlady Egemen-aqparat.
«Júsip Balasaǵun óz zamanynda halyqaralyq deńgeıdegi oıshyl bolǵan. Onyń birneshe ǵasyr buryn aıtylǵan oılary búgin de ózekti. Ol bılik ókilderi qoǵam múddesin ózinikinen joǵary qoıyp, azamattardyń ıgiligi úshin adal jáne rııasyz qyzmet etýi kerek ekenin atap ótti», - dedi saltanatty jıynda Qyrǵyzstan Respýblıkasynyń Premer-mınıstri Sooronbaı Jeenbekov.
Sondaı-aq ol Júsip Balasaǵun jazǵan kitaptar kóshpendilerdiń órkenıetin, kórkemóner jetistikterin sıpattaıtynyn jáne ol bilimniń qaınar kózi ekenin jetkizdi. «Qutadǵý bilik» kitaby - túrik tilinde jazylǵan alǵashqy týyndy.
«Kóne Balasaǵun qalasy, Júsip Balasaǵunnyń qyzmeti, onyń Balasaǵun qalasynda ondaǵan jyldar buryn jazylǵan «Qutadǵý bilik» kitaby álemdik mádenıet pen tarıhta quny joǵary . «Qutadǵý bilik» - árbir adamǵa paıdasy tıetin aqyldy jáne paıdaly keńester jıyntyǵy», - dedi Premer-mınıstr.
Eske sala keteıik, «TÚRIKSOI» túrki tildi memleketterdiń halyqaralyq uıymy 2016 jyldy «Júsip Balasaǵun jyly» dep jarııalady. Túrki oıshylynyń 1000 jyldyǵyna arnalǵan sharalar Túrkııa, Qyrǵyzstan, Ázerbaıjan jáne Qazaqstanda ótýde.