Tólebı aýdany Lenger qalasy 1-shaǵynaýdanynda «О́ńirlerdi damytý -2020» memlekettik baǵdarlamasy aıasynda, kópqabatty 8 turǵyn úı qurylysy bastaldy, dep habarlaıdy QazAqparat OQO ákimdiginiń baspasóz qyzmetine silteme jasap.
Ǵımarattarǵa jer qazý jumystary bastalǵaly aýdan basshysy Buharbaı Parmanov ıgi istiń basy-qasynda bolyp, jumystardyń sapaly bolýyn jiti baqylaýda.
Lenger qalasynan boı kóterip jatqan bes qabatty 8 úıdiń árbiri 60 páterden turady. Búginge deıin atalǵan baspanalardyń merdigerleri men ınjınırıngtik qyzmet kórsetýshi mekemeleri anyqtalyp, kelisim-shart jasaý jumystary júrgizildi. Qazirgi tańda, nysandar qurylysyn bastaý úshin oblystyq memlekettik sáýlet-qurylys baqylaý basqarmasynan ruqsat qaǵaz alyndy.
Aıta keteıik, kópqabatty turǵyn úılerdiń qurylysy 2017 jyly aıaqtalyp, qyrkúıek aıyna qaraı paıdalanýǵa beriledi dep kútilýde.