Astanada QR Prezıdenti janyndaǵy Áıelder isi jáne otbasylyq-demografııalyq saıasat jónindegi Ulttyq komıssııa jáne «Ákeler odaǵy» qoǵamdyq birlestigi Respýblıkalyq ákeler forýmyn ótkizip jatyr, dep habarlaıdy egemen.kz Baq.kz - ke silteme jasap.
Forým táýelsizdiktiń 25 jyldyǵyna arnalǵan «25 paıdaly is» aksııasy sheńberinde uıymdastyrylǵan. Jıyn bala tárbıesindegi áke rólin dáripteýge arnalǵan. Ákeler forýmy respýblıkalyq dárejede alǵash ret ótýde.
«Otan, otbasy, ot aǵasy» – egiz uǵymdar. Bul forýmnyń basty maqsaty – otbasyndaǵy ákeniń alatyn ornyn keńinen nasıhattaý. Búgingi forýmǵa elimizdiń úzdik ákeleri jınaldy. Áıeli kúıeýin, balasy ákesin syılaýy ulttyń amandyǵyn saqtap qalýyna tikeleı yqpal etedi», – dedi QR Ortalyq saılaý komıssııasynyń múshesi, Ulttyq komıssııa tóraǵasynyń orynbasary Lázzat Súleımen.
Forýmǵa Parlament depýtattary, Ulttyq komıssııa músheleri, qoǵam qaıratkerleri, halyqaralyq jáne úkimettik emes uıym jetekshileri qatysýda. Shara sońynda ár aımaqtan kelgen úlgili ákeler dıplomdarmen marapattalady.