Ulttyq brendti anyqtaý jónindegi baıqaýǵa daýys berý 12 qarashaǵa deıin uzartyldy, dep habarlaıdy egemen.kz QR Aqparat jáne kommýnıkasııalar mınıstri Dáýren Abaevtyń facebook-tegi paraqshasyna silteme jasap.
"Azamattardan ótinishterdiń kóptep túsýine baılanysty, Ulttyq brendti anyqtaý jónindegi baıqaýdyń uıymdastyrý komıteti daýys berýdi taǵy 10 kúnge, 12 qarashaǵa deıin uzartý jóninde sheshim qabyldady.
Jumystardy qabyldaý kezeńinde de merzimniń uzartylǵany belgili. Barlyq ótinimniń 70%-y osydan keıin kelip túsken bolatyn. Qazirdiń ózinde 66 myńnan astam adam daýys berip úlgerdi", - dep jazdy Dáýren Abaev.
Sonymen qatar Mınıstr baıqaýdy jalpyulttyq sıpatta ótkizý talabynyń basty orynda turǵanyn jetkizdi. Al kópshiliktiń baıqaýǵa kásibı mamandardy qatystyrý kerek degen pikiri bul sıpatqa qaıshy keletinin túsindirdi.
"Kúni erteń elimizde de, sonymen qatar, syrt elderde de qoldanýǵa laıyqty brendti tańdaý asa mańyzdy bolǵandyqtan, biz qazaqstandyqtardyń ózderine tikeleı qatysýǵa da, úzdik jumysty tańdaýǵa da múmkindik berip otyrmyz.
Ideıalardy irikteıtin Sarapshylar keńesine, ıaǵnı ekinshi kezeńge keminde 5 jumys jiberiledi. Demek, olardyń sany 10 bolýy da, 20 bolýy da múmkin. Bul - úmitkerlerdiń kópshiliginiń jeńimpaz ataný úshin básekelesýge múmkindigi bar degen sóz", - dedi Mınıstr.