Investısııalar jáne damý mınıstri Jeńis Qasymbek Úkimet otyrysynyń qorytyndysyna arnalǵan baspasóz konferensııasynda Qazaqstannyń CRIRSCO paıdaly qazbalar boıynsha esep berý júıesine kóshýiniń artyqshylyǵyn málimdedi.
«Elimizdiń CRIRSCO qataryna qosylýy – bul eldegi paıdaly qazbalardyń, qorlardyń bolýyn rastaıtyn, sondaı-aq búginde bizdegi bar aqparatty rastaýdyń úlken qadamy. Bul standart boıynsha jumys isteý Qazaqstanǵa halyqarlyq bırjalarda mıneraldy resýrstary bar derekter bazasyn jasaýǵa múmkindik beredi. Al sheteldik ınvestorlar úshin Qazaqstannyń CRIRSCO boıynsha jumys isteýi bul aqparattyń negizgi dáleli bolyp esepteledi. Osyǵan baılanysty biz CRIRSCO aıasynda jumys isteý sheteldik ınvestorlardy tartýǵa úlken septigin tıgizedi degen úmittemiz», – dedi J. Qasymbek.
Sonymen qatar, ol táýelsizdik jyldary tartylǵan ınvestısııalardyń 60%-ǵa jýyǵy jer qoınaýyn paıdalaný, munaı-gaz jáne taý-ken metallýrgııa salalaryna aýdarylǵanyn aıtty. Buǵan sáıkes, osy salalardaǵy standarttardy arttyrý qosymsha ınvestısııalardy tartýǵa múmkindik beredi. О́z kezeginde bul ónerkásip salasynyń ilgerileýine yqpal etedi.
CRIRSCO-nyń kópshilikke esep berýiniń halyqaralyq standarttaryn álemdik bırjalar jáne bankter moıyndaǵan.