Sınoptıkterdiń boljamynsha, 10-12 aqpan aralyǵynda eldiń basym bóliginde boran soǵyp, jaýyn-shashyn molaıady. Al aýa temperatýrasy keı óńirlerde -30 gradýsqa deıin tómendeıdi, dep jazady Egemen.kz.
«Qazgıdromet» málimetinshe, batys sıklony men atmosferalyq fronttardyń ótýine baılanysty respýblıkanyń kóp bóliginde jaýyn-shashyn kútiledi. 10-11 aqpanda soltústik, soltústik-batys, ońtústik, ońtústik-shyǵys jáne ortalyq óńirlerde, 11 aqpanda shyǵysta nóserli jaýyn-shashyn baıqalady. Sondaı-aq qar aralas jańbyr jaýýy yqtımal. El aýmaǵynda kóktaıǵaq, boran jáne ekpindi jel kúsheıedi.
Qar, jańbyr, kóktaıǵaq: 9 aqpanǵa arnalǵan aýa raıy boljamy
Boljamǵa sáıkes, kezeńniń sońynda batys antısıklonynyń yqpaly artyp, jaýyn-shashyn toqtap, aýa temperatýrasy aıtarlyqtaı tómendeıdi. Soltústik, soltústik-batys jáne ortalyq óńirlerde túnde -22…-30 gradýsqa deıin aıaz kútilse, kúndiz -15…-20 gradýs shamasynda bolady.
Shyǵys aımaqtarda aýa temperatýrasy túnde -13…-23 gradýsqa deıin tómendep, kúndiz -12…-20 gradýs aralyǵynda saqtalady. Al ońtústik óńirlerde túnde -10…-20 gradýs aıaz bolyp, kúndiz aýa temperatýrasy -5 gradýstan +5 gradýsqa deıin qubylady.
Sınoptıkter aýa raıynyń kúrt sýytýyna baılanysty turǵyndardy saqtyq sharalaryn kúsheıtýge shaqyrady.
Qazaqstanda qaı joldar jabyq tur?