Pavlodar oblysynda 2 qarashada ashylatyn «Ertis Invest-2016» halyqaralyq forýmyna kelgen Belarýs bıznes-delegasııasy oblystyq Kásipkerler palatasynda óńirdiń kásipkerlerimen kezdesti, dep habarlaıdy egemen.kz О́KP baspasóz qyzmetine silteme jasap.
Qazaqstandaǵy Belarýs Respýblıkasy elshiliginiń saýda-ekonomıkalyq qyzmeti basshysy Gennadıı Klyganyń aıtýynsha, Pavlodar oblysy ekonomıkalyq yntymaqtastyqty damytý úshin perspektıvalyq óńir retinde qarastyrylady. Belarýsten kelgen qonaqtar óńirge sapar sheńberinde 6 kelisimge qol qoıý josparlanyp otyrǵandyǵyn habarlady. Negizinen bular mashınalar, olardy odan ári QR-da qurastyrý úshin jabdyqtar jáne kombaındar jetkizý boıynsha 45 mln. AQSh dollaryna baǵalanǵan «Gomselmash» AAQ men «Agromashholdıng» pavlodarlyq kásiporyny arasyndaǵy memorandým bolyp tabylady.
Kezdesýdiń mańyzdy bóligi Pavlodar oblysy Kásipkerler palatasy men «Gomel-Raton» erkin ekonomıkalyq aımaǵy ákimshiligi» arasyndaǵy yntymaqtastyq týraly memorandýmǵa qol qoıý boldy.
«Osy kelisim óńirlerdiń bıznes ortalarynyń yntymaqtastyǵyn damytýdy jáne iskerlik baılanystardy nyǵaıtýǵa járdemdesýdi boljaıdy. Budan basqa qolda bar áleýet pen ınvestısııalyq múmkindikterdi esepke ala otyryp, biz memorandým saýda-ekonomıkalyq baılanystardy nyǵaıtýǵa sebepshi bolatynyna senemiz. Jalpy, tıimdi ózara bıznes-yntymaqtastyqty arttyrýǵa yqpal etetin bolady», - dep eskertti oblystyq Kásipkerler palatasynyń dırektory Serik Baıseıtov.