Ankarada qazaq ədebıeti ortalyǵy ashyldy

Ankaradaǵy Túrkııa Ulttyq kitaphanasynda qazaq ádebıeti men mádenıetiniń ortalyǵy ashyldy. Bul ortalyq – Qazaqstan men Túrkııa arasyndaǵy mádenı-rýhanı baılanystardyń jarqyn úlgisi boldy. Ortalyqtyń ashylý saltanatyna Túr­kııa Ulttyq kitaphanasynyń bas­shysy Zúlfı Toman, Qazaqstan Res­pýblıkasy Ulttyq kitaphanasynyń dırek­tory Janat Seıdýmanov, Qazaq­s­tan­ Respýblıkasy Ulttyq aka­de­mııa­lyq ki­tap­­hanasy sırek ki­tap­tar jáne qol­jaz­­ba­lar qyzmetiniń je­tek­shisi Álııa Qojabekova jáne osy kitaphananyń óner ádebıetteri sek­torynyń jetekshisi Álfııa Ilııasova, son­daı-aq Qazaqstan men Túrkııanyń zııa­ly qaýym ókilderi, sol elde bilim alyp jatqan qazaqstandyq stý­dentter qa­tysty. Ortalyqta Qazaqstan Prezıdenti Nursultan Nazarbaevtyń kitaptary, kór­nekti jazýshylar Ilııas Esenberlın­niń, Ábish Kekilbaevtyń, belgili túrkitanýshy-ǵalym Aleksandr Gar­ka­ves­­­tiń jáne basqalardyń eńbekteri qoıylǵan. Ortalyqtyń ashylý saltanatyna­ qatysýshylardyń aıtýynsha, osy ki­tap­­tar­dyń arqasynda túrik baýyrlar Qazaqstannyń ekonomıkasy, saıasaty, sondaı-aq qazaq halqynyń baı má­de­nı­e­ti men ulttyq qundylyqtary týra­ly tereń tanyp biletin bolady. Jıyn barysynda Túrkııa Ulttyq ki­tap­hanasynyń basshysy Zúlfı Toman túr­­­kııalyq oqyrmandarǵa, sonymen qa­tar zertteýshilerge Qazaqstannan arnaıy jetkizilgen kitaptar negizinde ashy­­­lyp otyrǵan jańa ortalyqtyń paı­da­­sy zor ekenin aıtty. Qazaqstan Respýblıkasy Ulttyq aka­de­mııalyq kitaphanasy sırek kitaptar já­ne qoljazbalar qyzmetiniń jetekshisi Álııa Qojabekova Zúlfı Toman myrzaǵa Qazaqstan Respýblıkasynyń Mádenıet jáne sport mınıstri Arystanbek Muhamedıulynyń Túrkııa Ulttyq ki­tap­hanasyn 70 jyldyq mereıtoıymen qut­tyqtaý hatyn jetkizdi. «Bul Túrkııa Ulttyq kitaphanasynyń ta­rıhynda ǵana emes, kúlli álem kitap­ha­nalarynyń qaýymdastyǵy úshin de erek­she oryn alatyn oqıǵa bolyp taby­lady. Ulttyq kitaphana – Túrik Res­pýblıkasynyń mádenı jáne ǵylymı ómiri­niń ortalyǵy retinde tanymal. Siz Ult­tyq jáne álemdik mádenı muranyń laı­yq­ty deńgeıde saqtalýyna, bilim men ǵy­lymnyń damýy­na, jalpy adamzattyq qun­d­ylyqtardy dáripteýge úlken úles qo­syp kelesiz. Qazaqstan men Túrkııany or­taq tarıh, mádenıet jáne tildik negizder biriktiredi. Bul jańa ıdeıalar men jobalardy dúnıege ákelip, olardy birlesip iske asyrýǵa shabyttandyrady!» delingen vedomstvo basshysynyń quttyqtaý hatynda. Aıta keteıik, atalǵan qazaq ádebıeti men mádenıetiniń ortalyǵyn Qazaqstan Respýblıkasy Mádenıet jáne sport mınıstrliginiń, sondaı-aq Túrkııanyń Qazaqstandaǵy elshiliginiń qoldaýymen Qazaqstan Ulttyq akademııalyq kitap­ha­na­sy ashyp otyr. Bul shara el Táýelsizdiginiń 25 jyldyǵyna baılanysty ótkizildi. Joldybaı BAZAR, «Egemen Qazaqstan»