Elshilerdi qabyldady

Parlament Senatynyń Tóraǵasy Qasym-Jomart Toqaev Izraıldiń Qazaqstandaǵy elshisi Mıhael Brodskııdi onyń ótinishi boıynsha qabyldady. Tóraǵa Izraıl Premer-mınıstri Bınıamın Netanıahýdyń jeltoqsanda Qazaqstanǵa josparlanǵan alǵashqy resmı saparynyń mańyzdy sıpatyn atap ótti. .Q.Toqaevtyń pikirinshe, alda­ǵy joǵary deńgeıdegi kelissózder ekijaqty yntymaqtastyqty múl­de jańa deńgeıge kóteretin bolady. Senat basshysy parla­mentaralyq baılanystardy odan ári nyǵaıtý jaıyn da aıtty. Izraıl elshisi B.Netanıahý sapary aıasynda birqatar ekijaqty kelisimderge qol qoıýǵa ázirlik týraly habardar etti. Sondaı-aq, Shımon Peres týra­ly qazaqstandyq jáne ızraıl­dik buqaralyq aqparat quraldarynda jarııalanǵan estelik maqalasy úshin Senat Tóraǵasyna M.Bro­dskıı alǵys aıtty. Sol kúni Q.Toqaev Japonııa elshisi Itıro Kavabatomen de kezdesti. Júzdesýshiler Prezıdent Nursultan Nazarbaevtyń qarasha­nyń basyndaǵy Japonııaǵa resmı sapary zor tabyspen ótke­nin atap ótti. Q.Toqaev Tokıo­daǵy kelis­sózder ekijaqty yntymaq­tastyq salasynda naqty nátıje­lerge jetkizdi dep sanaıdy. Dıp­lomattyń aıtýynsha, Qazaq­stan Prezıdentiniń Japonııa Parla­mentindegi jarqyn da mazmundy sózin qos palatanyń depýtattary erekshe joǵary baǵalady. Kezdesý barysynda jahandyq qarýsyzdaný jáne ıadrolyq qarý­dy taratpaý salasyndaǵy eki memleket yntymaqtastyǵynyń keleshegi talqylandy.