Búgin Astanadaǵy Táýelsizdik saraıynda elimizdegi sýdıalardyń kezekti quryltaıy ótýde. Memleket basshysy Nursultan Nazarbaev qatysady dep josparlanǵan sharaǵa respýblıka óńirinen 600-den astam delegattar kelgen.
Alǵash ret 1996 jyldyń 19 jeltoqsanynda Almatyda qalasynda ótken I Sýdıalar seziniń zańdy jalǵasy bolyp tabylatyn búgingi jıynda "Sýdıalyq Ádep kodeksin" qabyldaý kózdelgen. Bas-aıaǵy 15 baptan turatyn bul Kodeks azamattardyń, qoǵamnyń sot bıligi men sot júıesiniń bedeline degen senimin nyǵaıtyp, sot qyzmetiniń qazirgi demokratııalyq qoǵamda asa mańyzdy rólge ıe ekendigin pash etý bolyp tabylady. Sondaı-aq, onda jumys istep júrgen sýdıalar men otstavkadaǵy sýdıalar úshin júrip-turýdyń ádep qaǵıdalary da naqty atap kórsetilgen.
Aıta keteıik, osy Kodeks qabyldanǵannan keıin 2009 jylǵy 18 qarashada Qazaqstan Respýblıkasy sýdıalarynyń V sezinde qabyldanǵan Sýdıa ádebi kodeksiniń kúshi joıatyn bolady.
Nurlybek Dosybaı,
"Egemen Qazaqstan".