Búgin óńir basshysy Danıal Ahmetov oblys ákiminiń áleýmettik máseleler jónindegi orynbasaryn tanystyrdy. Atalǵan qyzmetke buǵan deıin Qazaqstan Respýblıkasy Densaýlyq saqtaý mınıstriniń orynbasary jáne "QazTransOıl" AQ bas dırektorynyń orynbasary qyzmetterin atqarǵan Ásem Núsipova taǵaıyndaldy.
Ásem Núsipova 1975 jyly 1 mamyrda týǵan. 1996 jyly ál-Farabı atyndaǵy Qazaq Ulttyq ýnıversıtetin " ekonomıst" mamandyǵy boıynsha támamdaǵan.
1998 jyly atalǵan ýnıversıtettiń magıstratýrasyn bitirdi.
Eńbek jolyn 1997 jyly konsaltıngtik kompanııanyń sarapshysy bolýdan bastady. Budan keıin ál-Farabı atyndaǵy QazUÝ oqytýshysy, "Delovaıa nedelıa" aptalyǵynyń ekonomıkalyq sholýshysy boldy. Memlekettik qyzmette 2001 jyldan bastap eńbek etip keledi. Qazaqstan Respýblıkasy Qaýipsizdik Keńesiniń ekonomıkalyq qaýipsizdik máseleleri boıynsha bólimniń bas sarapshysy, Prezıdent Ákimshiligi Júıeli zertteýler ortalyǵynyń sektor meńgerýshisi, Qarjy mınıstriniń keńesshisi, Premer-Mınıstrdiń keńesshisi bolyp eńbek etti.
2005-2007 jyldary Premer-Mınıstr Keńsesiniń taldaýlar jıyntyǵy bóliminiń meńgerýshisi, 2008 jyly Densaýlyq saqtaý mınıstriniń orynbasary jáne búgingi taǵaıyndaýǵa deıin "QazTransOıl" AQ bas dırektorynyń ekonomıka jáne qarjy jónindegi orynbasary boldy.
Dýman Anash,
"Egemen Qazaqstan".
О́SKEMEN.