Qazaq kúresinen bolatyn "Eýrazııa barysy" halyqaralyq týrnıriniń jalpy júlde qory 20 mln. teńgeni quraıdy. Bul týraly Ortalyq kommýnıkasııalar qyzmetinde ótken brıfıng barysynda belgili boldy.
«Jalpy júlde qory 20 mln. teńgeni quraıdy. Birinshi oryn alǵan balýanǵa 10 mıllıon, ekinshi orynǵa 6 mıllıon, úshinshi orynǵa 4 mıllıon teńge beriledi", - dedi Qazaq kúresi federasııasynyń vıse-prezıdenti Sársen Quranbek
Týrnır 1 jeltoqsan kúni tórtinshi ret ótkiziledi. Oǵan Grýzııa, Mońǵolııa, Polsha, Reseı, Tájikstan, О́zbekstan, Qazaqstan qatysady. Al "Qazaqstan Barysy" qazaq kúresin damytý qorynyń tóraǵasy Arman Shýraevtyń aıtýynsha, jarysty tikeleı efırde tek qazaqstandyq qana emes, reseılik jáne túrik telearnalary kórsetetin bolady.