2016-2017 jyldarǵa arnalǵan oqý jylynda Qazaqstannyń 1-synyp oqýshylary úshin qosymsha demalys qarastyrylǵan, dep habarlady Bilim mınıstrliginiń baspasóz hatshysy Áıgerim Álibekova.
«Qyrkúıek aıynda Bilim jáne ǵylym mınıstrligi demalystardyń merzimi men oqý kezeńi jaıly buıryq shyǵarǵan. Sol buıryq aıasynda demalys merzimderi synyp-synypqa bólinip kórsetilgen. Sol buıryqqa sáıkes, 2016 jyldyń qyrkúıeginde birinshi synyp oqýshylary úshin bilim berýdiń jańa mazmunyn engizgendikten, 1-synyp oqýshylary bes kún oqıdy. Soǵan baılanysty, 1-synyp oqýshylary úshin 1-7 aqpan aralyǵynda qosymsha demalys beriledi», - dedi Áıgerim Álibekova.
Baspasóz hatshysynyń aıtýynsha, qalǵan synyptyń oqýshylary ádettegideı oqı beredi.