Qazaqstannyń Ishki ister mınıstrliginiń bastamasymen respýblıka aýmaǵynda 2016 jyldyń 1 qyrkúıeginen jyldyń sońyna deıin «Ýchaske» jedel-aldyn alý is-sharasy ótkizildi, dep habarlaıdy QazAqparat.
Ishki ister mınıstrliginiń habarlaýynsha, 2,4 mln jeke úı men 2,5 mln páter tekserilgen. Turǵylyqty mekenjaıy boıynsha 123 392 shetel azamattary anyqtalyp, onyń ishinde merzimi aıaqtalǵany jáne elimizden shyǵarylǵany 7 728 adamdy quraǵan. Sonymen qatar, QR azamattary tarapynan kóshi-qon zańnamasyn buzý deregi 27 210-ǵa jetken.
2016 jyldyń 1 qyrkúıeginen jyldyń sońyna deıin 56 myń jaldamaly páterler tekserilip, sonyń 19 917-si jaldamaly páter ekendigi anyqtaldy. Salyq organdaryna 18 088 kórsetilim usynyldy, ıaǵnı 18 myń páter salyq organdarynda rásimdelmegen. 608 qylmysker jáne 499 iz-tússiz joǵalýshylar izdestirildi. Zańsyz aınalymdaǵy 390 atys qarýy, sony ishinde 32 kesetin quraldar alynǵan.