«Qaırat» fýtbol komandasynyń shabýylshysy Jerar Goýǵa reseılik SSKA klýby qyzyǵýshylyq tanytqan. Bul týraly reseılik klýb ókilderi óz pikirlerin bildirdi, dep habarlady vesti.kz.
Buǵan deıin ıvýar fýtbolshysy SSKA-nyń nazaryna ilikkeni jaıly aqparatty alǵash ret life.ru portaly jarııalaǵan. Málimetterge sáıkes, sońǵy eki jylda Jerardyń oıyndaryna basa mán berip kelgen.
«Negizi, biz sybystar jaıly pikir aıtpaımyz. Al mundaı aqparatty alǵash ret estip turmyn», – dedi máskeýlik klýbtyń seleksııalyq qyzmetiniń jetekshisi Oleg Iаrovınskıı.
Sonymen qatar, Jerar Goýǵa Fransııanyń «Olımpık» ujymy da kóz tikken bolatyn.
Ivýar oıynshysy men «Qaırat» arasyndaǵy kelisimshart merzimi 2017 jyldyń jeltoqsan aıynda aıaqtalady. Sońǵy eki maýsymda ol Qazaqstan premer-lıgasynda 22 goldan soǵyp, bombardır atanǵan.
Aıta keteıik, 27 jastaǵy fýtbolshy Reseıdiń «Krasnodar», Túrkııanyń «Kaıserı Erdjıesspor», «Denızlıspor», Shveısarııanyń «Ksamaks» Marokkanyń «Hassanı Agadır», sondaı-aq «Abıdjan JK» komandalarynda óner kórsetken.