Atyraý oblystyq perınataldy ortalyǵynda ambýlatorııaly gınekologııalyq operasııalar ortalyǵy ashyldy, dep habarlaıdy QazAqparat.
«Mundaı ortalyqty ashý ambýlatorııada asa kúrdeli emes hırýrgııalyq operasııalardy júzege asyrýǵa múmkindik beretin laparoskopııa men gıteroskopııanyń kómegimen emdeýdiń jańa tásilin qoldanýdyń arqasynda múmkin boldy. Ol árıne, tek stasınarlyq emdeýdi qajet etpeıtinder úshin qoldanylady. Ortalyq endi ǵana ashylǵanymen onyń kómegimen 40-qa jýyq áıel densaýlyqtarymen baılanysty máselelerin sheship úlgerdi. Bizde áıelder eń kóbi 3 kún bolady. Olar úshin qazir 20 oryn bar. Gospıtaldarǵa qaraǵanda, ambýlatorııalyq hırýrgııada kezekke turyp, ony kútip, analız tapsyrýdyń qajeti joq. Barlyq qajetti saraptaý jumystaryn biz ózimiz júrgizemiz», - dep habarlady ambýlatorııaly gınekologııalyq operasııalar ortalyǵynyń meńgerýshisi Baqyt Shuqabaeva.