Orta salmaqta WBA (Super), IBO, WBC jáne IBF nusqalary boıynsha álem chempıony Gennadıı Golovkın (36-0, 33 KO) osy salmaqta WBO belbeýiniń ıegeri brıtanııalyq Bıllı Djo Sonderspen (24-0, 12 KO) jekpe-jek ótkizý jóninde ortaq ymyraǵa keldi. Bul týraly vesti.kz habarlady.
Boxing Legends TV ınternet arnasynyń málimeti boıynsha bul jazda Qazaqstanda ótedi. Qos boksshy barlyq shartqa kelisken kórinedi.
«Bıllı Djo Sonderspen Gennadıı Golovkınniń kezdesýi jazda Qazaqstanda ótedi», – dep jazady atalǵan arnanyń týıtteri.
«Qazaqstandyq boksshy Djeıkobspen judyryqtaspaı jatyp (18 naýryz Nıý-Iorkte), bul aıqas ne sebepti qazir habarlandy?» degen oqyrman suraǵyna: «Shamasy, Sonders osy jekpe-jektiń jeńimpazymen kezdesetin bolar. Alaıda, qos tarap qazirdiń ózinde barlyq shartqa (gonorary, ótetin orny) kelisip qoıǵan», dep jaýap berdi.
Buǵan deıin brıtan boksshysy aldaǵy josparlary jaıly bólisip, bir-eki aptanyń kóleminde úlken jekpe-jek jóninde usynys túsetinin, al promoýteri Frenk Ýorren bul tıtýldy aıqas bolatyn senimmen aıtqan.
Golovkınniń jattyqtyrýshysy Abel Sanches shákirtiniń 2017 jyly tórt kezdesý ótkizetinin, onyń biri maýsym aıynda Qazaqstanda uıymdastyrylatynyn málimdegen. Bul EKSPO-2017 kezinde Astanada ótýi múmkin.