Burynǵy ulttyq ekonomıka vıse-mınıstri Aıdar Arıfhanov "Báıterek" holdıngi tóraǵasynyń orynbasary bolyp taǵaıyndaldy, dep habarlady "Báıterek" Ulttyq basqarýshy holdıngi" AQ baspasóz qyzmeti.
"Báıterek" ulttyq basqarýshy holdıngi" AQ Dırektorlar keńesiniń sheshimimen Aıdar Arıfhanov "Báıterek" holdıngi Basqarma tóraǵasynyń orynbasary-Basqarma múshesi bolyp saılandy", - delingen habarlamada.
Aıdar Arıfhanovtyń memlekettik basqarý jáne ekonomıkalyq saıasat salasyndaǵy 20 jyldyq jumys ótili bar. Eńbek jolyn QR Qarjy mınıstrliginiń Syrtqy qaryz komıteti baǵdarlamalyq jáne áleýmettik qaryzdar bóliminiń bas mamany bolyp bastaǵan ol sońǵy jyldary QR Ulttyq ekonomıka vıse-mınıstri laýazymyn atqardy. Ár jyldary QR qarjy vıse-mınıstri, QR premer-mınıstri keńsesi basshysynyń orynbasary, QR eńbek jáne áleýmettik qorǵaý vıse-mınıstri, QR premer-mınıstriniń keńesshisi, QR Aqparattandyrý jáne baılanys agenttigi tóraǵasynyń orynbasary, "Qazaqtelekom" AQ basqarýshy dırektory, "Qazatomprom" UAK" AQ Basqarma tóraǵasynyń ekonomıka jáne qarjy jónindegi orynbasary qyzmetterin atqarǵan. 2015 jylǵy qarashadan bastap QR Ulttyq ekonomıka vıse-mınıstri laýazymynda boldy. Aıdar Arıfhanov Qazaq memlekettik basqarý akademııasyn, QR SIM Dıplomatııalyq akademııasyn aıaqtaǵan, 2008 jyly "Bolashaq" prezıdenttik baǵdarlamasy sheńberinde Kolýmbııa ýnıversıtetin támamdap, memlekettik ákimshilendirý magıstri dárejesin (MRA) jáne 2006 jyly London bıznes mektebinde iskerlik ákimshilendirý magıstri dárejesin (MVA) alǵan.