Búgin «Egemen Qazaqstan» gazetiniń ujymy asqaraly 63 jasqa kelgen belgili jýrnalıst Álısultan Qulanbaıǵa qurmet kórsetip, týǵan kúnimen quttyqtady. Gazet basshysy Darhan Qydyráli ardager jýrnalıstiń uzaq jylǵy eńbek jolynyń jastarǵa úlgi ekenin aıtyp, basylym atynan estelik syılyq tartý etti.
Quttyqtaý jınalysynda Marat Aqqul, Erkin Qydyr, Seıfolla Shaıynǵazy, Qarashash Toqsanbaı syndy áriptesteri sóz alyp, Álısultan Qulanbaıdyń qalamgerlik qýaty, kisilik bolmysy, ásirese «asyl adam aınymas» degen qaǵıdaǵa saı ózindik ómir súrý prınsıpterine beriktigi jaıyn asa rızashylyqpen jetkizdi.
El men jer syryna qanyq, aty shaldyqpas, qorjyny aýmas uzaq joldyń kánigi jolaýshysyndaı 63 jasqa aptyqpaı jetken áriptesimizdiń otbasyna amandyq, denine saýlyq, alasarmas abyroı tileımiz.