Jezqazǵan qalasynda 20 jasqa deıingi jastar arasynda 2026 jylǵy Qazaqstan Respýblıkasynyń shahmat chempıonaty ótip jatyr, dep habarlaıdy Egemen.kz.
Sporttyq dodaǵa elimizdiń túkpir-túkpirinen 100-ge jýyq shahmatshy klassıkalyq shahmat, rapıd jáne blıs túrlerinen synǵa tústi. Onyń 11-i Ulytaý oblysynyń oıynshylary.
Dúbirli doda 22 aqpanǵa deıin jalǵasady. Chempıonattyń klassıkalyq túrinde top jarǵan uldar jáne qyzdar arasyndaǵy jeńimpazdar 2026 jylǵy Qazaqstan Respýblıkasynyń erler jáne áıelder arasyndaǵy chempıonatynyń fınalynda óner kórsetýge joldama alady. Sonymen qatar, chempıondar el namysyn FIDE World Junior U20 Championships 2026 týrnırinde qorǵaıdy. Álem birinshiligi qyrkúıek aıynda Perý astanasy Lima qalasynda ótedi. Al ekinshi oryn ıegerleri Azııa chempıonatyna qatysý múmkindigine ıe bolady.
Bıylǵy birinshiliktiń jalpy júlde qory – 2 mıllıon 400 myń teńge. Klassıkalyq shahmatta I orynǵa – 270 000 teńge, II orynǵa – 210 000 teńge, III orynǵa – 120 000 teńge tabystalady. Rapıd jáne blıs saıystarynda júldeli oryndarǵa sáıkesinshe 150 000, 100 000 jáne 50 000 teńge qarastyrylǵan.
Chempıonat toǵyz týrdan turatyn shveısarııalyq júıe boıynsha uıymdastyrylǵan. 16–20 aqpan aralyǵynda 60+30 ýaqyt baqylaýymen klassıkalyq partııalar ótedi (ár oıynshyǵa 60 mınýt jáne ár júristen keıin 30 sekýnd qosylady). 21 aqpanda – rapıd (10+5), 22 aqpanda – blıs (3+2) oıyndary oınatylady.
Saıasat Nurbek: Ár bala mektep kezinen shahmatty jetik meńgerýi tıis
Ulytaý oblysynyń ákimi byltyrǵy Qazaqstan Respýblıkasy chempıonatynda altyn medal jeńip alǵan ulytaýlyq shahmatshy Maqsat Baısalbekovke estelik retinde qalamsap tabys etip, aldaǵy jarystarda da bıik belesterdi baǵyndyrýyna tilektestik bildirdi.
Túrkistandaǵy Keleshek mektebinde arnaıy shahmat synyby ashyldy