140 myńnan astam el azamaty múlikterin jarııa etti

Elimizde sońǵy úsh jylda jekeshelendirý aıasynda is júzinde saýdaǵa 578 nysan shyǵarylyp, onyń 394-i satyldy. Bul týraly Ortalyq kommýnıkasııalar qyzmetinde jekeshelendirýdiń «ekinshi tolqynynyń» iske asyrylý nátıjeleri jáne múlikti jarııa etýdiń qorytyndysyna arnalǵan baspasóz máslıhatynda Qarjy mınıstrliginiń memlekettik múlik jáne jekeshelendirý komıteti tóraǵasynyń orynbasary Ǵalymjan Ybyraıymov málim etti.  «2014-2016 jyldarǵa ar­nalǵan satý kestesine sáıkes, satýǵa 629 nysan jos­parlanǵan. 2017 jyldyń 1 qań­tardaǵy jaǵdaı boıynsha is júzinde saýdaǵa 578 nysan shyǵaryldy, onyń 394-i satyldy. Respýblıkalyq menshik boıynsha – 25, kommýnaldyq menshik boıynsha – 201, áleýmettik-kásip­kerlik korporasııalar boıynsha – 97, holdıngter boıynsha – 71 nysan satyldy», – dedi komıtet tóraǵasynyń orynbasary. Sondaı-aq, ol satýdan tús­­ken qa­ra­jattyń qalaı bó­lin­genin aıtyp berdi. «Respýblıkalyq bıýdjetke – 8,4, oblystyq bıýdjet­ter­ge – 16,9 holdıngter­ge – 73,6 jáne áleýmettik kásip­ker­­lik korporasııalarǵa – 6,8 mlrd teńge tústi», – dep atap ótti Ǵ.Ybyraıymov. Saýda-sattyq mem­leket­tik portal ar­qyly elek­tron­dyq formatta júr­gi­zi­ledi, bul jekeshelendirýdiń mól­­di­rligin jáne ashyq­ty­ǵyn qamtamasyz etýge múm­­kindik beredi. Sáıke­sin­she, saýda-sattyq júr­gi­zi­letin memlekettik por­tal­dyń qaýip­sizdigi asa mańyz­­dy bolyp tabylady. Bul oraı­da, júıeniń qaýip­siz­digin qamtamasyz etýdiń uıym­dastyrýshylyq jáne teh­nıkalyq sıpattaryna «Aq­parattyq-esepteý ortalyǵy» AQ basqarma tóraǵasy Ja­na­syl Ospanov toqtalyp ótti. Onyń aıtýynsha, mem­le­kettik aqparattyq júıe aqparattyq qaýipsizdiktiń standarttary men barlyq talaptaryna sáıkes attestattaýdan ótkizilgen. «Attestattaý qory­tyn­dysy boıynsha aqparattyq júıeniń serverlik jáne baǵdarlamalyq jasaqtamasy barlyq talaptarǵa saı bolyp shyqty. Serverlik alań senimdiliktiń eń joǵarǵy 4-shi deńgeıine sáıkes keledi. Júıe qoldanýshylarynyń ınternet trafıgi qaýipsizdiktiń barlyq sharalarynan ótedi jáne árdaıym baqylaýda bolady. Sondyqtan da is júzinde júıege syrttan bireýdiń enýi múmkin emes», – dep atap ótti J.Ospanov. Sondaı-aq, ol saýda-sat­tyq qatysýshylarynyń qan­daı da bir shaǵymdary nemese usynystary bolsa, kez kelgen ýaqytta Call-or­ta­lyq­qa habarlasýlary­na bolatynyn jetkizdi. Budan keıin jedel monıtorıng basqarmasynyń basshysy Erlan Saǵnaev múlikti jarııa etý aksııasy aıaqtalǵanyn jetkizip, onyń qorytyndysy boıynsha baıandama jasady. «Múlikti jarııa etý ak­sııasynyń múmkindikterin eldiń 140 myńnan astam azamaty paıdalandy. Barlyǵy 5,7 trln teńgege aktıvter zańdastyryldy, onyń ishinde aq­shalaı – 4,1 trln teńge já­ne múlik 1,6 trln teńgeni qu­raıdy. Jyljymaıtyn mú­li­ktiń 151 myńǵa jýyq nysany, sondaı-aq zańdy tul­ǵalardaǵy qatysýdyń 213 úlesi jarııa etildi. Aqshany jarııa etý úshin barlyǵy 11 821 shot ashyldy. El ishindegi aktıvter 5 trln teńgege, al sheteldegi aktıvter 700 mlrd teńgege jaqyn, olardyń 614 mlrd teńgesi aqshamen, 70 mlrd teńgesi múlikpen jarııa etildi», – dep málimdedi basqarma basshysy. Aıdar О́RISBAEV, «Egemen Qazaqstan»