Qyzylorda oblysynyń perınataldyq ortalyǵyna jańa týǵan sábılerge arnalǵan jańa medısınalyq jabdyq tapsyryldy, dep habarlady oblys ákimdiginiń baspasóz qyzmeti.
Qyzylorda oblysynda Atom Transcapsul V-808 kólik ınkýbatorynyń ekeýi qaladaǵy perınataldyq ortalyqqa jetkizildi. О́mirlik mańyzy zor qondyrǵynyń quny 48 300 000 teńgeni qurap otyr.
«Aıtalyq, 2015 jyly 198 náreste shetinep ketken. Olardyń 74 paıyzy shala týǵan sábıler. Al ótken jyly 7 aıda 79 balaǵa neonatologtardyń shuǵyl kómegi qajet boldy. 62 náreste oblystyq perınataldyq ortalyqqa tasymaldansa, 17 sábıdi aýdandyq aýrýhanalarda em alǵan. Inkýbatorlar nárestelerdi, ásirese shala týǵan týǵan sábılerdi oblystyq perınataldyq ortalyqqa tasymaldaý kezinde olardy qorshaǵan ortanyń áserinen qorǵap, balanyń ómirin aman saqtap, onyń ári qaraı ósip jetilýi úshin qajetti ortany jasap beredi», - dedi Qyzylorda oblysynyń densaýlyq saqtaý basqarmasynyń jetekshisi Aqmaral Álnazarova.