Qazaqstan Prezıdenti Nursultan Nazarbaev konstıtýsııalyq reforma jobasynyń búkilhalyqtyq talqylaýǵa usynylatynyn aıtty.
«Biz eshqashan memlekettik basqarýdyń úlgilerin basqalardan kóshirgen emespiz. Biz halyqaralyq tájirıbeni eskere otyryp ózimizdiń teńdesi joq sheshimderimizdi taýyp otyrdyq.
Usynyp otyrǵan bul reforma eń áýeli óz tájirıbemizge jáne Qazaqstannyń óz suranystaryna súıenedi. Biz aıtyp otyrǵan reformalar baǵdarlamasy Qazaqstan qaı baǵytta damıdy degen suraqqa beretin jaýabymyz. Jaýap aıqyn jáne burynnan belgili – Qazaqstan demokratııalyq damý baǵytyn betke ustaıdy. Men jarııa etiletin konstıtýsııalyq reformanyń jobasyn búkil eldiń talqylaýyna usynýdy jón kórdim. Tıisti Jarlyqqa qol qoıyldy. Munyń bári Bes ınstıtýsıonaldyq reformaǵa jáne eldiń bolashaq damý jolyna saı keledi. «Ashyq Úkimettiń» besinshi pýnkti ókilettikterdi qaıta bólýdi qarastyrady. Bıliktiń barlyq tarmaqtary tıimdi jáne jaýapty jumys isteýi úshin olardyń arasynda teńgerý jáne teńsheý bolýy tıis» dedi Memleket basshysy.