«Astana» fýtbol klýbynyń jartylaı qorǵaýshysy Roher Kanıas APOEL komandasymen kelissózder júrgizip jatqany belgili boldy. Jaqyn arada ol grekııalyq ujymnyń sapyna aýysýy múmkin. Bul týraly APOEL resmı túrde málimdedi, dep habarlaıdy vesti.kz.
Buǵan deıin Kanıastyń jarty jylǵa jalǵa beriletini habarlanǵan edi. Alaıda, kıprlik BAQ-tyń málimeti boıynsha, APOEL elordalyqtarmen bul máseleni túbegeıli sheship, fýbolshymen tolyq kelisimshartqa otyrǵandy jón kórip otyr.
«14:00 kezinde (Astana ýaqytymen 16:00) Kıprge «Astananyń» jartylaı qorǵaýshysy Roher Kanıas keledi. Bizdiń komandanyń qatyryna qosylý úshin kelissózder júrgizedi», – dep aqparat taratty búgin APOEL-diń resmı týıtteri.
Aıta keteıik, Roher Kanıas «Astana» sapynda 2014 jyldan beri oınap keledi. Elordalyq ujymmen ol úsh ret Qazaqstan chempıony atanǵan. Sonymen qatar, Chempıondar lıgasy men Eýropa lıgasynda óner kórsetti.
«Astana» klýbyna aýysarǵa deıin ol eki jyl Qaraǵandynyń «Shahter» komandasynda oınady. Qaraǵandylyqtarmen ol 2012 jyl el chempıony atanǵan.. Jalpy 26 jastaǵy jartylaı qorǵaýshy Qazaqstan Premer-lıgasynda 143 kezdesý ótkizip, 19 goldyń jáne 14 nátıjeli pastyń avtory atanǵan.