Astanadaǵy memlekettik qyzmet salasyndaǵy óńirlik hab qatysýshy-elderi delegasııasy sapary aýqymynda Ekonomıkalyq yntymaqtastyq jáne damý uıymynyń shtab-páterinde Ortalyq Azııa men Kavkaz elderindegi memlekettik qyzmet reformalary qarastyryldy.
Habtyń basqarýshy komıteti tóraǵasy Álıhan Báımenov Habqa qatysýshy elderdiń memlekettik qyzmetin jetildirýde EYDU-ǵa múshe elderdiń tájirıbesiniń mańyzyn atap ótti. Ol aımaqtaǵy elder sońǵy on jyldyqta memlekettik basqarýdyń tıimdiligin arttyrýǵa baǵyttalǵan reformalar jasaǵanyn aıtty.
«Bul reformalardyń qarqyny, aýqymy men tereńdigi mádenı-tarıhı, áleýmettik-ekonomıkalyq kontekst pen osy elderdiń aǵymdaǵy basymdylyqtarymen anyqtalady», – dedi Á. Báımenov.
Semınar barysynda Qazaqstan, Qyrǵyzstan jáne Grýzııanyń ókiletti organ ókilderi óz elderindegi memlekettik qyzmet reformalarynyń negizgi baǵyttary jaıly baıandady. Grýzııanyń memlekettik qyzmet boıynsha Bıýro Dırektory Ekaterına Kardava men Qyrǵyzstan Memlekettik kadr qyzmeti dırektory Nýrhanbek Momýnalıev Habtyń EYDU elderimen yntymaqtastyqty ilgeriletýdegi jetekshi róline toqtaldy.
Qatysýshylar Qazaqstandaǵy memlekettik qyzmet kadrlaryn strategııalyq basqarý boıynsha EYDU sholýynyń aldyn-ala daıarlanǵan nátıjeleri týraly oı bólisti. Semınar jumysyna Habtyń qatysýshy elderiniń ókiletti organdary, Prezıdent Ákimshiligi, Investısııa men damý mınıstrligi qurylymdyq bólimshileri jetekshileri qatysty. Odan ózge Qazaqstannyń memlekettik organdary ókilderiniń EYDU-daǵy sáıkesinshe bólimsheleriniń jetekshilerimen eki jaqty kezdesýleri ótti.
Sonda-aq, delegasııa ókilderiniń alqaly jıynynda Astanadaǵy memlekettik qyzmet salasyndaǵy О́ńirlik habtyń basqarýshy komıtet tóraǵasy Álıhan Báımenovtiń EYDU memlekettik basqarý jáne aýmaqtyq damý máseleleri jónindegi dırektory Rolf Altermen kezdesýi ótti. Shara aıasynda Rolf Alter О́ńirlik habpen yntymaqtastyqty nyǵaıtýdyń mańyzyn atap ótip, Hab tuǵyrnamasy arqyly óz qaǵıdattary men standarttaryn taratý boıynsha birlesken sharalar ótkizýge daıar ekendikterin málimdedi. Ol Habtyń zertteýler jasaý qyzmetin joǵary baǵalap, onyń ishinde, keń kólemdi saraptama – ǵalamdyq jáne aımaqtyq trendter sholýyn atap ótti.
Álıhan Báımenov óz kezeginde aımaq elderinde memlekettik qyzmetti damytýda EYDU úlesine toqtalyp, buǵan deıin memlekettik qyzmetkerlerge Dırektoratpen birge trenıng, semınarlar ótkizilgenin aıtty. Sonymen birge ol Habtyń zertteýleri, jarııalanymdary jáne basqa da bastamalary týraly baıandady. Alter kezdesý sońynda Habtyń halyqaralyq jáne aımaqtyq áriptestikterdi nyǵaıtýdaǵy rólin joǵary baǵalap, memlekettik qyzmetti jetildirýdegi yntymaqtastyqty jalǵastyrýǵa nıetti ekendigin bildirdi.
Habtyń qatysýshy elder arasynda «teńmen teń» formatynda tájirıbe almasýyn damytýǵa qosqan úlesi men memlekettik qyzmet kórsetý máseleleri boıynsha Habtyń praktıkter Alıansy jumysyn EYDU Tıimdi ınstıtýttar tuǵyrnamasy Hatshylyǵy (EIP) jetekshileriniń biri Lıza Ýılıams kezdesý kezinde joǵary baǵalady. Ol Tıimdi ınstıtýttar tuǵyrnamasynyń Habtyń parktıkter Alıansy jumysy modelin ilgeriletip, ádep, memlekettik qyzmettegi birtutastyq, memlekettik satyp alýlar men transparenttik máseleler boıynsha jańa Alıans qurýǵa qyzyǵýshylyq tanytyp otyrǵanyn jetkizdi.
EYDU Sybaılas jemqorlyqqa qarsy jeli jetekshiligi Astana habyna sybaılasqan jemqorlyq pen aktıvterdi deklarasııalaý máseleleri boıynsha birlesken is-sharalar ótkizýdi usyndy.
Aıta keteıik, álemniń damyǵan 35 memleketin biriktiretin EYDU – memlekettik qyzmet salasyndaǵy Astana óńirlik haby quryltaıshylarynyń biri jáne negizgi seriktesi bolyp tabylady.
Nurlybek DOSYBAI,
«Egemen Qazaqstan»