Janarmaı óndirisi bıyl 1,5 mılıonnan 2,9 mln tonnaǵa jetti, dep málimdedi búgin OKQ-daǵy baspasóz máslıhatynda energetıka vıse-mınıstri Áset Maǵaýov.
«Biz Qazaqstandaǵy munaı ónimderin belsendi qoldanýdyń kórsetkishine ıe bolyp otyrmyz. 2001 jyly 1,5 mln avtomobıl tirkelgen bolatyn, 2016 jyly olardyń sany 3,9 mln-ǵa jetti. Sáıkesinshe, benzındi qoldaný 2001 jylmen salystyrǵanda 2,5 esege kóbeıdi», – dedi Áset Maǵaýov.
Vıse-mınıstrdiń aıtýynsha, janarmaı tutyný kóleminiń kóbeıýi kólik sanynyń artýyna baılanysty.
Qazirgi tańda Qazaqstandaǵy jeńil kólikterdiń basym bóligi AI-92 markaly janarmaıdy tutynatyn kórinedi.
«Tehnıkalyq pasport pen ekologııalyq tártipter negizinde barlyǵy 92 janarmaıyn tutyný kerek. AI 80 – organıkalyq naryq – bul óte eski avtomobılder men jeke kólikterge baǵyttalǵan», - dedi vıse-mınıstr.