Sınoptıkterdiń málimdeýinshe, qańtar aıynda jaýǵan aq ulpanyń qalyńdyǵy 45 santımetrge jetken. Bul – ótken jylǵa qaraǵanda 15 santımetrge qalyń degen sóz. Aqpan, naýryz aılarynda qardyń túsýi normadaǵydan mol bolady dep kútilýde. Al soltústikqazaqstandyqtar byltyrǵy tasqynnyń salǵan álegi men týdyrǵan dúrbeleńin áli umyta qoıǵan joq.
ońǵy shırek ǵasyrda bolmaǵan zardaptyń oryn alýy saldarynan 400-den astam úı men 35 eldi meken qyzyl sý astynda qalyp, 1,3 mıllıard teńge shyǵyn kelgen bolatyn. Osy jaǵy sabaq boldy ma, álde qardyń qalyń jaýǵanyn eskerdi me, tıisti oryndar saqtyq sharalaryna aldyn ala kirisip, tas-túıin daıyndyq jumystaryna jumyla kirisip ketken. Tótenshe jaǵdaılar jónindegi oblystyq komıssııa otyrysynda bıylǵy sý tasqynynyń mal-janǵa erekshe qater tóndiretini aıtylyp, beıqam qalmaý jaǵy qatań eskertildi.
Tótenshe jaǵdaılar jónindegi departament basshysynyń orynbasary Erik Sarybaev bergen málimetterge súıensek, Petropavl qalasy, Esil, Taıynsha, Aqqaıyń
aýdandary erekshe qaýipti aımaqtarǵa jatqyzylǵan. 95 eldi mekendi sý basý qaýpi bar. Ol jerlerde 1,5 myńnan astam turǵyn úı ornalasqan. 4,7 myńdaı adam turady. Sonymen qatar, uzyndyǵy 50 shaqyrym bolatyn 153 avtomobıl jáne temir jol ýchaskelerine de qater keltirýi múmkin.
Qazirgi ýaqytta sý tasqynynyń aldyn alý sharalary jan-jaqty oılastyrylǵan. Buǵan dálel retinde, 70 eldi mekendi tasqynnan qorǵaý boıynsha ınjenerlik jumystar aıaqtalyp, jol-kólik ınfraqurylymdary men gıdrotehnıkalyq qurylǵylar ornatylǵanyn aıtýǵa bolady. Turǵyndardy basqa aımaqtarǵa kóshirý, jatyn oryndarmen qamtamasyz etý máseleleri jiti qarastyrylǵan.
Oblys ortalyǵynda arnaıy shtab qurylyp, aldyn ala daıyndalǵan is-jospar boıynsha áreket etetin bolady. Sý tasqynynyń aldyn alý maqsatymen jergilikti qazynadan 270 mıllıon teńge bólinip, jarty mıllıon tekshe metr qar syrtqa shyǵarylǵan. Jylda qarǵyn sý úlken ábigerge salatyn Jumysshy, Zarechnyı, Bereke, Oıqala shaǵyn aýdandary qala ákiminiń tikeleı baqylaýyna alynǵan.
О́mir ESQALI, «Egemen Qazaqstan»
Soltústik Qazaqstan oblysy