О́zbekstan Prezıdentimen kezdesti

Qazaqstan Úkimetiniń birinshi vıse-premeri A.Mamın Tash­kent­ke jumys sapary sheńberinde О́zbekstan Prezıdenti Shavkat Mırzıeevpen kezdesti. Qazaqstannyń birinshi vıse-premeri baýyrlas elge Qazaqstan-О́zbekstan arasyndaǵy Ekijaqty yntymaqtastyq jónindegi birlesken úkimetaralyq komıssııanyń 16-shy májilisine qatysý úshin kelgen bolatyn. Kezdesý barysynda eki­ el­­diń barlyq baǵyttaǵy yn­ty­maqtastyǵynyń pers­pektı­va­lary, onyń ishinde saýda-eko­nomıkalyq baılanystar jaıy talqylandy. «Qazaqstan О́zbekstannyń Ortalyq Azııa óńirindegi asa iri saýda serik­tesi bolyp tabylady», – dedi Sh.Mırzıeev. Sondaı-aq, ol eki el arasyndaǵy ózara qa­rym-qatynas ekonomıkalyq yntymaqtastyqty damytýdyń sapaly jańa kezeńine aıaq bas­qanyn atap kórsetti. A.Mamın Qazaqstan bas­shy­sy Nursultan Nazarbaev­tyń О́zbekstanmen ynty­maq­tastyqty damytýǵa erekshe na­zar aýdaryp otyrǵanyn kól­deneń tartty. Kezdesý barysynda Qa­zaq­stan Respýblıkasy Pre­mer-Mınıstriniń birin­shi oryn­basary ózbek áriptes­te­ri­men jumystyń júıeli ne­gizde júrgizilip kele jat­qa­nyn habarlady. Negizgi sala­larda birlesken saýda úı­leri qury­lǵan. Olar agro­óner­kási­ptik keshen, hımııa jáne munaı hımııasy ónerkásibinde kóri­nis taýyp otyr. О́zara taýar al­masý­lar ulǵaıa túsýde. Ynty­maq­tas­tyqtyń avtomobıl jasaý, týrızm, munaı-hımııa sııaq­­ty sala­larynda jańa ba­ǵyt­­tar aı­qyndalǵan. Birqatar ınf­ra­qurylymdyq jobalar bo­ıynsha naqty ýaǵdalastyqtar bar. Onyń ishinde avtobýs jáne áýe qatynastaryn ashý, naqtyraq aıtsaq, ishinde Astana – Tashkent áýe reısin aptasyna 6 retke deıin kóbeıtý sııaqty usynystar bil­dirilip otyr. Qazaqstan men О́zbek­stan ara­synda áskerı jáne ás­kerı-teh­nıkalyq ynty­maq­tas­tyq­ty jolǵa qoıý tý­raly ýaǵ­dalas­tyqqa da qol jetkizilgen. Belsendi óńiraralyq ynty­maqtastyqtyń bastalýyna ser­pin berilip úlgerilse, qa­zir­diń ózinde Qazaqstan men О́zbekstan oblystarynyń dele­gasııalary birqatar sapar almasýlardy júzege asyrdy. О́tken jyly eki el arasyn­daǵy taýar aınalymy 1,6 mlrd-dan astam AQSh dollaryn qu­rady. Aqshalaı alǵanda ózara saýda kólemi 40 paıyzǵa jýyq ulǵaıdy. 2020 jylǵa qaraı atalǵan kórsetkishti 1,6-dan 5 mlrd AQSh dollaryna deıin arttyrý mindeti qoıylyp otyr. Kezdesý sońynda О́zbekstan Prezıdenti Shavkat Mırzıeev О́zbekstan Respýblıkasy men Qa­zaqstan Respýblıkasy ara­syndaǵy jan-jaqty ózara tıimdi qarym-qatynastardy damytýǵa sińirgen eren eńbegi, eki eldiń temir jol kóligi sala­syndaǵy yntymaqtastyǵyn keńeı­týge jáne tereńdetýge qosqan jeke úlesi jáne Ortalyq Azııa óńirindegi óńiraralyq kólik dálizderi sekildi iri joba­lar­dy júzege asyrýǵa bel­sendi qatysqany úshin Asqar Mamındi «Dýstlık» ordenimen ma­rapattaý týraly resmı sal­tanat ótkizdi. О́zbekstan Premer-mı­nıstriniń birin­shi orynbasary Achılbaı Rama­tov­pen kezde­sýde Úkimetaralyq ko­mıs­sııanyń 16-shy májilisi­niń mańyzy Prezıdent Sh.Mır­zıeevtiń Qazaqstanǵa alǵashqy memlekettik sapary qarsańynda arta túsetini atap ótildi. Taraptar saýda-ekonomıka­lyq yntymaq­tastyqty ári qaraı keńeıtý, aýyl sharýashy­lyǵy, kólik jáne logıstıka, tranzıt, t.b. salalardaǵy baılanystardy nyǵaıtý máselelerin talqy­lady. Suhbattastar óńirler­diń­ ekonomıka­lyq ynty­maq­­tas­tyǵynda negizgi ekpin óner­kásiptik koopera­sııa­ny damytý men birlesken ınvestısııalyq joba­lardy júzege asyrýǵa túsirilýi tıis ekenin atap kór­­setti. «Biz Qazaq­stanmen bir­les­ken jobalardy júze­ge asyrý boıynsha belsendi ynty­maq­tastyqqa daıynbyz», – dedi A.Ramatov. Tashkentke jumys sapary sheńberinde Qazaqstan Respýb­lıkasy Premer-Mınıstriniń birinshi orynbasary – Qazaqstan Respýblıkasy men О́zbekstan Respýblıkasy arasyndaǵy Ekijaq­ty yntymaqtastyq jó­nindegi birlesken úkimetara­lyq komıssııanyń teń tóraǵasy Asqar Mamın Komı­s­sııanyń 16-shy májilisine qatysyp, sóz sóıledi. Onda energetıka, keden, munaı-gaz, kólik jáne tranzıt, týrızm, ǵylymı-tehnıkalyq jáne mádenı-gýmanıtarlyq salalardaǵy ekijaqty ynty­maqtastyq máseleleri egjeı-tegjeıli qarastyryldy. Son­daı-aq, áskerı jáne áskerı-tehnıkalyq saladaǵy ózara is-qımyl jaıy talqylandy, dep habarlady Qazaqstan Respýb­lı­kasynyń О́zbekstan Respýb­lıkasyndaǵy elshiliginiń baspasóz qyzmeti.