Osy aptada jahandyq qarjy naryǵy AQSh prezıdenti Donald Tramptyń Kongress aldyndaǵy sózin kútip otyr. Seısenbi kúngi sharada Aq úı basshysy salyq reformasy men ekonomıkany qaıta retteý jáne ınfraqurylymdyq jobalarǵa toqtalmaq, dep jazady investing basylymy.
Tramp osy joly salyq reformasyndaǵy bir ózgeris retinde syrttan keletin ımporttyq taýarlarǵa baj salyǵyn 20 paıyzǵa arttyrýy múmkin degendi aıtady sarapshylar.
Sonymen qatar, medısınalyq jobalar men ınfraqurylymdyq jumystardyń endigi baǵyty osy joly belgili bolmaq.
Osy apta sonymen qatar AQSh Federaldy rezerv júıesiniń birneshe shtattaǵy ókildikteriniń basshylary da halyq aldyna shyǵady. Sonyń ishinde juma kúni júıe basshysy Djannet Iellenniń sózi mańyzdy bolmaq. Investorlar osy joly Iellen dollardyń bazalyq mólsherlemesiniń kóteriler-kóterilmesi týraly aıtýy múmkin ekenin aıtady.
Mamandardyń aıtýynsha, naýryzda mólsherlemeniń kóbeıtilýi neǵaıbyl, al mamyrda kóbeıtilýi ábden múmkin.
Bulardan bólek, osy aptada Ulybrıtanııa men EO elderiniń qarjy naryǵynyń ótken jyldyń tórtinshi toqsanyndaǵy qorytyndysy jarııalanady.