Qazaqstandyq kásipqoı boksshy Fırýza Sháripova (2-1, 1 KO) reseılik Iýlııa Chernoborodovaǵa qarsy jekpe-jegi jaıly oı bólisti. Bul týraly allfight.ru habarlady.
«23 aqpan kúni kishi Floıd Meıýezerdiń «Boks akademııasynda» sheberlik saǵatyn, sondaı-aq aldaǵy qarsylasym Iýlııa Chernoborodovamen birlesken ashyq jattyǵý ótkizdim. Onyń qımyl-qozǵalysyna qarap, ońaı jeńilmeıtinin baıqadym. Iýlııa jyldam qozǵalyp, joıqyn soqqylardan tez sytylyp shyǵyp ketedi. Taǵy da solaqaı boksshymen judyryqtasaıyn dep otyrmyn. Buǵan deıingi Sofıa Ochıgava men Anjela Kanesaro da solaqaı bolatyn», – dedi Sháripova.
«Kózqarastar dýelin ótkizgende kózderine qarap, alańdap turǵanyn baıqadym. «Boks akademııasyna» kóp adam kelgendikten qobaljyǵan bolar. Sharshy alańda ońaı boksshy emestigi anyq. Meni qıyn urys kútip tur», – dedi boksshy qyz.
Aıta keteıik, Sháripova men Chernoborodova arasyndaǵy aıqas 4 naýryz kúni Balashıha qalasynda ótedi. Qazaqstandyq boksshy osymen kásipqoı rıngtegi tórtinshi jekpe-jegin ótkizeıin dep tur.