Úndeýden týyndaıtyn mindetter saralandy

Parlament Májilisindegi Qazaqstan halqy Assambleıasy depýtattyq tobynyń kezekti otyrysy bolyp ótti, onda Elbasy Nursultan Nazarbaevtyń bılik tarmaqtary arasyndaǵy ókilettikterdi bólý máseleleri boıynsha Úndeýinen týyndaıtyn mindetter talqylandy. Onyń jumysyna vıse-spıker Vladımır Bojko qatysty. Májilis depýtaty, Qazaqstan halqy Assam­b­leıasy depýtattyq tobynyń jetekshisi Saýytbek Abdrahmanov «Konstıtýsııalyq reforma – Qazaq­­stannyń demokratııalyq damýyn­­daǵy bet­burysty kezeń», degen taqy­ryp­ty taratyp baıan­dama jasady. Ol óz sózinde qolǵa alynyp ja­tqan mem­lekettik bılik reformasy Qazaqstan qoǵa­myn demokratııa­lan­dyrý strategııasyn tııanaqty júzege asyrýdyń kórinisi ekendigin aıtty. «Parlament Májilisiniń Tóraǵasy Nurlan Nyǵmatýlın atap ótkendeı, Elbasy halyqqa Úndeýinde bolashaq ózgeristerdi boljaı biletin bólekshe qasıetin ǵana emes, damýdyń eń ońtaıly jol­daryn taba alatyndyǵyn da kórsetip otyr. Memleket basshysynyń Úndeýinen týyn­daı­tyn mindetterdi oryndaýda Qazaqstan halqy As­samb­leıasyna erekshe jaýapkershilik júkteledi, óıt­keni, konstıtýsııalyq reformany qoǵamdyq keli­sim men halyqtyń toptasýy jaǵdaıynda ǵana oı­daǵy­daı júzege asyrýǵa bolady», dedi depýtat. Otyrysta Parlament Májilisiniń depýtat­tary Sne­janna Imasheva, Ekaterına Nıkıtıns­kaıa, Magerram Magerramov, Vladımır Boj­ko, Ah­­met Mýradov sóz sóılep, Prezıdent Nursultan Nazarbaevtyń Úndeýin osy zaman­ǵy álem­­dik saıasatta bolyp kórmegen quby­lys dep baǵa­­la­­dy, ózderiniń taıaýda el óńirleri­ne shyqqan sapar­­lary­­nyń áserlerimen bólisip, Memleket bas­shy­sy bastama jasaǵan konstıtýsııa­lyq re­for­­maǵa jurtsh­ylyq tolyq qoldaý kórsetkenin aıtyp berdi. Otyrysty Parlament Májilisi Tóraǵasy­nyń orynbasary Vladımır Bojko qorytyn­dylady. Májilis depýtaty, QHA depýtattyq toby jetekshisiniń orynbasary Iýrıı Tımo­shen­konyń altynshy shaqyrylymnyń ekinshi sessııa­synyń birinshi jartyjyldyǵynda atqa­ry­lǵan jumys týraly habarlamasy tyńdaldy, dep habarlady Májilistiń baspasóz qyzmeti.