Belsendi eńbek beleske shyǵarady

Kókshetaýda «Qazaqstan temir joly» UK» AQ basshysy Qanat Alpysbaev Aqmola jol bólimshesi eńbekkerlerimen kezdesip, «Qazaqstannyń Úshinshi jańǵyrýy: jahandyq básekege qabilettilik» atty Prezıdent Joldaýynyń negizgi baǵyttaryn túsindirdi. Kezdesýde mańyzdy qujat­tyń ulttyq kompanııaǵa qa­tys­ty Memleket basshysy bel­­gi­lep bergen, kóliktik-logı­s­tı­ka­lyq keshenine qatys­ty bes tap­syrmasyn tal­dap, oryn­dalý joldary áńg­ime­lendi. Tasy­maldaýdy uıym­das­tyrý jáne josparlaý ju­mys­taryna ınno­vasııalyq jańa­lyqtardy engizý, sala­daǵy tehnıkalyq jáne tehno­logııalyq jaraqtandyrý jaıy aıtyldy. Búgingi tańda ak­sıo­nerlik qoǵam 2025 jyl­darǵa deıingi tehnıkalyq saıa­sat tujyrymdamasyn ja­saý­da. Onda IT-strate­gııa, avt­o­mat­tan­dyrý, tehnologııa­lyq úderis­terdi sıfrlyq jáne ro­bot­tyq jabdyqtaý kórsetiledi. Temir jol kóligi mashı­na­­sy ónimderin eksportqa shyǵarý belsendi atqarylyp keledi. Elimizdiń ken jáne munaı-gaz kesheni kásiporyndary­nyń turaqtylyǵyn saqtaý úshin bul salany júk vagon­dary­men qamtamasyz etýdiń meha­nızmderi jetildirilýde. Bıylǵy jyly bul maqsatqa 7-8 myń vagon tartylýy kerek bolsa, 2025 jyldarǵa qaraı 25 myń júk vagony qajet bolady. Q.Alpysbaev Joldaýda júk­telgen mindetterge oraı, qazaq­­stan­dyq baǵyttardy stra­te­gııa­lyq alıanstarǵa: Reseı, Bela­rýs­pen birlesken kólik­tik-lo­gıstıkalyq kom­pa­nııa­sy, Kav­kaz, Túrkııa, Shyǵys Eýropa elderi­men Tran­skas­pıı halyq­ara­lyq kólik baǵy­tyn damy­tý jónin­degi úı­les­tirý komı­teti­men birle­sip ıgerý­ge mańyz berý kerektigi­ne toq­taldy. «Aldymyzda turǵan min­det­­terdi júzege asyra alǵan jaǵ­­daı­da ósim bes esege artyp, tran­­zıttik tasymaldan túsetin kiris kólemi 2020 jyldary 4 mlrd AQSh dollaryna jetedi», – deı­di Q.Alpysbaev. Kezdesýde Joldaýda atap kór­setilgen basymdyqtar: eńbek­pen qamtý, kópshilikti kásip­kerlikke beıimdeý, jeke­she­lendirýdiń memlekettik baǵdar­lamasyn júzege asyra oty­ryp, ulttyq kompanııa­lar­dy IPO qor naryǵyna shy­ǵarý, bıznesti transformasııa­laý baǵ­darlamasy, kólik­tik-logıs­tıka­lyq ınfraqury­lym­dy damytý men qurylysqa jeke ınves­tısııa tartý týraly jan-jaqty áńgime qozǵaldy. Kompanııa jetekshisi sóziniń sońynda Memleket basshysy alǵa qoıǵan tapsyrmalardy oryndap, strategııalyq maq­sat­ta­rǵa jetý úshin kompanııadaǵy ár­bir eńbekker belsendi jumys is­t­eýi tıis ekendigin erekshe atap ótti. Asqar TURAPBAIULY, «Egemen Qazaqstan» KО́KShETAÝ