Sýperkýbok syny. «Astana» men «Qaırattyń» qaısysy myqty?

Fýtboldan Qazaqstan chempıonatynyń 2017 jylǵy Sýperkýbogy bıyl Almaty qalasynda ótedi. Mundaı sheshim ótken jyldyń sońynda Qazaqstan Kásipqoı fýtbol lıgasynyń otyrysynda qabyldanǵan bolatyn. Qazaqstan Sýperkýbogynyń tarıhy 1995 jyldan bastalady. Elimizdiń alǵashqy sýperkomandasy bolyp Semeıdiń «Elimaıy» atandy. Bir qyzyǵy, Almatydaǵy oıynda «Elimaı» men «Vostok» kezdesti. Ekeýi de shyǵys óńiriniń komandalary edi. Biraq ol kezde Semeı men Shyǵys Qazaqstan jeke-jeke oblys bolatyn. Osydan keıin Sýperkýbok oıynyn jan­kúıerler tek 2008 jyly ǵana tamashalaı aldy. Birneshe jyl úzilis boldy. Bul joly sol kezdegi elimizdiń qos myqtysy «Aqtóbe» men «Tobyl» jolyqty. Alǵashqysy 2:0 esebimen jeńiske jetti. Tek, 2009 jyly uıymdas­tyrylmady demeseńiz, Sýper­kýbok syny 2010 jyldan beri turaqty ótkizilip keledi. Jeti jyl qatarynan Qazaqstan Sýperkýbogyn ótkizý quqyǵyna As­ta­na qalasy ıe boldy. Bıyl endi araǵa 9 jyl salyp, qaı­tadan Almatyǵa oralyp otyr. Kezdesetin komandalar dál qa­zirgi kezdegi elimizdiń qos myq­­tysy – «Astana» men «Qaırat». Bul eki komanda osymen úshinshi jyl qatarynan el Sýperkýbogyn sarapqa salady. Buǵan deıin bir-birin kezek-kezek utqan edi. 2015 jy­ly «Astana» chempıony atan­ǵanda kýbokty Elbasynyń ózi tabystaǵan-dy. Byltyr «Astana» Sýper­kýbokta ese jibergenimen, el chempıonaty men Qazaqstan kýbogy sekildi mańyzdy jarysta «Qaırattyń» aldyn orap ketti. Al bıyl kánigi qarsylastardyń jekpe-jegi qalaı aıaqtalatynyn 4 naýryz kúni biletin bolamyz. Eki komanda sapynda ja­ńadan kelgen oıynshylar bar. «Astanaǵa» bıyl Ivan Maevskıı, Azdren Lýlaký, Roman Murtazaev sekildi fýtbolshylar keldi. Al Malyı, Kanıas, Despotovıch, Ashat Taǵybergen, Nurǵalıev komandadan ketti. «Qaıratqa» qysqy trans­ferlik úzilis kezinde Eldos Ahmetov, Georgıı Jý­kov, Ivo Ilıchevıch qosyldy. Komandadan ketkenderdiń qatarynda Tavam­ba, Tımoshýk, Darabaev, Sıdel­nıkov bar. Qazaqstan Sýperký­bogy­nyń jeńim­pazdary: 1995 jyly: «Elimaı» 2008 jyly: «Aqtóbe» 2010 jyly: «Aqtóbe» 2011 jyly: «Lokomotıv» 2012 jyly: «Ordabasy» 2013 jyly: «Shahter» 2014 jyly: «Aqtóbe» 2015 jyly: «Astana» 2016 jyly: «Qaırat». Dıas ERKEBULAN, jýrnalıst ASTANA