QR Aýyl sharýashylyǵy vıse-mınıstri Qaırat Aıtýǵanovtyń aıtýynsha, aýyl sharýashylyǵy salasyndaǵy ǵylymı zertteýlerdi kúsheıtý maqsatynda eki agroortalyq qurylady, dep habarlaıdy QazAqparat.
«Agroónerkásip salasyndaǵy qoldanbaly ǵylymı zertteýlerge ónim óndirýshelerdiń qarjysyn tartý josparlanǵan. Budan bólek, Qazaq ulttyq agrarlyq ýnıversıteti men Sáken Seıfýllın atyndaǵy Qazaq agrotexnıkalyq ýnıversıteti negizinde eki agroortalyqty qurý josparlanyp otyr. Sondaı-aq, daıyn ǵylymı texnologııalardyń transferti júrgiziledi. Ol úshin arnaıy ortalyq ta qurylǵan», – dedi Aıtýǵanov Úkimettiń búgingi otyrysynda.
Aıta keteıik, otyrys barysynda Aýyl sharýashylyǵy mınıstrligi aldaǵy jumys josparyn tanystyrdy. Bul josparda Jer komıssııasynyń jumysy nátıjesinde qolǵa alynǵan sharalar da bar.
«Atap aıtqanda, jerdiń jańa kadastrlyq baǵasyn belgileý, naqty málimetter bazasyn jasaqtaý jáne geobotanıkalyq kartalardy ázirleý jumysy júrgiziledi. Qazirgi zań jobasy Úkimettiń 16 aqpan kúngi qaýlysymen Parlamenttiń qaraýyna engizildi», – deıdi Aıtýǵanov.