Qazaqstanda 2017 jyldyń 1 shildesinen bastap bala týýyna baılanysty beriletin bir rettik járdemaqy mólsheri birinshi, ekinshi jáne úshinshi balaǵa 31,41 AEK-ten 38 AEK-ke, tórtinshi jáne odan keıingi balalarǵa 52,35 AEK-ten 63 aılyq eseptik kórsetkishke artady. Iаǵnı, 1-3 balaǵa bir rettik járdemaqy 86 myń teńge bolsa, tórtinshi jáne odan keıingi balaǵa 142 myń teńge beriletin bolady.
Budan bólek Qazaqstanda bala kútimine baılanysty 1 jasqa tolǵansha beriletin aı saıynǵy járdemaqy da qarastyrylǵan. Eger anasy jumys istemegen bolsa, bala bir jasqa tolǵansha shilde aıynan bastap aı saıyn birinshi balaǵa 13069 teńge, ekinshi balaǵa - 15451 teńge, úshinshi balaǵa - 17811 teńge, tórtinshi jáne odan keıingei balalarǵa 20194 teńge tólenbek. Al qyzmettegi áıelder bala bir jasqa kelgenshe sońǵy eki jyldaǵy ortasha jalaqysyna baılanysty járdemaqy alady. Ony esepteý úshin eki jyldaǵy tabysty 24 aıǵa bólip, 0,4 -ke kóbeıtý kerek. Sonymen qatar járdemaqy berilgen kezde 10 paıyzy zeınetaqy qoryna ustalatynyn da eskergen jón.
Álem tájirıbesine kóz salatyn bolsaq, kópshiliginde balaǵa beriletin járdemaqy áıeldiń tabysyna baılanysty bolady. Mysaly, Italııada ata-ananyń jyldyq tabysy 11422 eýrodan tómen bolsa, balaǵa aı saıyn 250 eýro járdemaqy beriledi. Bul kórsetkish 27 693 - 30 403 eýro bolsa, ár balaǵa aıyna 38 eýro tólenedi. Ata-anasynyń tabysy 43 489 eýrodan artsa, járdemaqy berilmeıldi.
О́zbekstanda bir rettik járdemaqy 31 041 teńge ( 299 550 som). Bala eki jasqa tolǵansha aı saıyn 23 281 teńge (224 665 som) tólenedi. Fınlıandııada balanyń járdemaqysyn beretin kezde áıeldiń júktilik boıynsha der kezinde esepke turýyn mindetti túrde eskeredi. Bul elde balaǵa járdemaqydan bólek "pakt" qarastyrylǵan. Ol balaǵa qajetti zattar men kıim keshekterdi qamtıdy. Keıbir basylymdardyń aıýtynsha, onyń baǵasy aqshalaı járdemaqydan da kóp bolady eken. Úndistanda bala kútimine eshqandaı járdemaqy qarastyrylmaǵan.
AQSh-ta bala týýyna jáne kútimine qatysty járdemaqy tek áleýmettik osal toptarǵa beriledi. Al dekretti demalys kompanııamen otyrǵan áıeldiń kelisimshartyna baılanysty bolady. Shveısarııada dekret tek tórt aıǵa beriledi. Osy ýaqytta áıeldiń sońǵy 1,5 jylda alǵan ortasha jalaqysy tólenedi. Eger áıeldiń eńbek ótili 1,5 jylǵa jetpese, járdemaqy berilmeıdi. Memlekettik qoldaý retinde beriletin aı saıynǵy járdemaqy 200 frank. Shveısarııada ortasha jalaqy 50 myń frank ekenin eskersek, bul óte az ekenin ańǵarý qıyn emes.
Sonymen, bir rettik járdemaqy beretin elder:
Estonııa - 320 eýro. Úshem týsa, ár balaǵa 1000 eýro. Polsha - ár balaǵa 120 eýro. (Aı saıynǵy tólem 12 eýro) Belgııa - bir balaǵa 77,05 €, eki balaǵa 219,63 €, úsh balaǵa 432,50 € Japonııa - eki balaǵa 400 dollar, úshinshi jáne odan keıinshi balalarǵa 700 dolar. Germanııa - birinshi balaǵa 184 €, ekinshi balaǵa 368 € Grekııa - birinshi balaǵa 5,87 €, ekinshi balaǵa 12,13 €, úshinshi balaǵa 22 € Irlandııa - birinshi balaǵa 140 €, ekinshi balaǵa 280 €, úshinshisine 428 € Islandııa - birinshisine 115,25 €, ekinshisine 137,17 €. Jalǵyzbasty analarǵa birinshi balaǵa 191,92 €, ekinshisine 196,83 € Fransııa - birinshi balaǵa járdemaqy berilmeıdi. Ekinshi balaǵa 120 eýro, úshinshi bala týǵanda aı saıyn 274 eýroKeıbir elderde bala belgili bir jasqa kelgenshe aı saıynǵy járdemaqy qarastyrylǵan:
Ulybrıtanııa - 10 jasqa deıin aı saıyn 105 eýro; 10 jastan keıin - 70 eýro; Gollandııa - ár balaǵa 6 jasqa tolǵansha aıyna 58 eýro, 6-11 jas aralyǵynda 70,5 eýro, 12-17 jas 82 eýro; Latvııa - bala bir jasqa tolǵansha ananyń sońǵy bir jyldaǵy ortasha jalaqysynyń 70 paıyzyn tóleıdi; Avstrııa - 0-3 jas - 105,40 €, 3-10 jas 112,70 €; 10-19 jas 130,90 € Danııa - 0-3 jas 145 €, 3-7 jas 131 €, 7-18 jas 103 €, Ispanııa - 18 jasqa deıin 24,25 €, múgedek balalarǵa 48,47 € Nıderland - 0-6 jas 58,11 €, 6-11 jas - 70,57 €, 12-17 jas 82,02 €Daıyndaǵan Gúlnur Qýanyshbekqyzy,
"Egemen Qazaqstan"