Búgin Úkimet otyrysynda Memleket basshysynyń 14 aqpandaǵy Jarlyǵymen bekitilgen Agroónerkásiptik keshendi damytýdyń 2017-2021 jyldarǵa arnalǵan baǵdarlamasyn júzege asyrý Jospary qaraldy.
Atalǵan baǵdarlama Qazaqstan Respýblıkasy Prezıdentiniń 2016 jylǵy 9 qyrkúıektegi Úkimettiń keńeıtilgen otyrysynda bergen tapsyrmasy negizinde Qazaqstan Respýblıkasynyń Aýyl sharýashylyǵy mınıstrligi tarapynan ázirlendi, dep habarlaıdy vedomstvanyń baspasóz qyzmeti.
Onyń maqsaty – naryqtarda suranysqa ıe, básekege qabiletti agroónerkásiptik keshen ónimin óndirýdi qamtamasyz etý.
Osyny basa aıtqan QR Aýyl sharýashylyǵy mınıstriniń Birinshi orynbasary Q.Aıtýǵanov Memlekettik baǵdarlamanyń 8 mindeti boıynsha 134 is-sharanyń qarastyrylyp otyrǵanyn jetkizdi.
«Elbasynyń «Qazaqstannyń úshinshi jańǵyrýy: jahandyq básekege qabilettilik» atty Qazaqstan halqyna Joldaýynda kóptegen pozısııalar boıynsha bizdiń álemde iri agrarlyq eksporttyq ónim óndirýshilerdiń biri bola alatynymyz atap ótildi. Ásirese, bul ekologııalyq taza taǵamdarǵa qatysty aıtyldy. Bul úshin eń aldymen, shaǵyn jáne orta sharýashylyqtardy kooperasııalarǵa keńinen tartý kózdelýde», – dep atap ótti vıse-mınıstr.
Sondaı-aq, Jospar aıasynda ishki naryqty toltyrý men otandyq ónimniń eksporttyq áleýetin damytý, memlekettik qoldaýdyń qarjylyq sharalaryn tıimdi paıdalaný, sý resýrstary men jer resýrstaryn tıimdi paıdalanýǵa jaǵdaı jasaý, aýyl sharýashylyǵy tehnıkalary men hımııalyq quraldarmen qamtamasyz etýdi arttyrý, AО́K-ti ǵylymı-tehnologııalyq, kadrlyq jáne aqparattyq-marketıngtik qamtamasyz etý josparlanýda.
Jalpylaı alǵanda, bulardy iske asyrý úshin 2,4 trln. teńge qajetti. Onyń ishinde, respýblıkalyq bıýdjet esebinen 1,2 trln. teńge, jergilikti bıýdjetten 852 mlrd. teńge, mıkroqarjylyq uıymdar men sharýashylyq sýbektilerine 306 mlrd. teńge qarastyrylǵan.
Aıta keteıik, Jańa baǵdarlamaǵa kózdelgen qarajat osy tańǵa deıin bekitilgen respýblıkalyq bıýdjettiń sheńberinde qarastyrylyp otyr. Iаǵnı, úkimetten qosymsha qarjy talap etpeıdi.
Jospar jobasynyń qarjylyq bóligi 21 aqpanda Respýblıkalyq bıýdjet komıssııasynyń otyrysynda maquldandy.