Búgin Astanada «Samuryq-Qazyna» ulttyq ál-aýqat qorynyń basshylyǵy iri xalyqaralyq kompanııalar, ınvestorlar men bankterdiń 300-ge jýyq ókilimen kezdesý ótkizdi. Qordyń aktıvterdi jekeshelendirý departamentiniń dırektory Dáýren Tasmaǵambetov 217 kompanııa satylatynyn málimdedi, dep habarlaıdy baq.kz.
«Samuryq-Qazyna» AQ aktıvterdi 2016-2020 jyldary jekeshelendiredi. Basty maqsattyń biri – EYDU elderi standarttaryna sáıkes qordyń ekonomıkadaǵy úlesin 1,5 paıyzǵa qysqartý.
«Qazirgi ýaqytta qor aktıvterin jekeshelendirý baǵdarlamasy belsendi júrgizilip jatyr. Baǵdarlama aıasynda 217 aktıv eki kezeńge bólinip satylady. Birinshi tizbede 45 iri kompanııa bar. Onyń ishinde «Qazatomónerkásip» AQ, «Eır Astana» AQ IPO-ǵa shyǵarylatyn kompanııalar tiziminde. Aksııalardy ornalastyrý týraly sheshim kóptegen faktorǵa baılanysty. Makroekonomıkalyq axýal, qundy qaǵazdar naryǵyndaǵy jaǵdaı men kompanııalardyń daıyndyǵy eskeriledi. Qazirgi kezde biz IPO-ǵa daıyndyqtyń alǵashqy kezeńinde turmyz, ınvestısııalyq bankterdi tańdap, kompanııalardyń daıyndyǵyn baǵalap jatyrmyz», – deıdi Dáýren Tasmaǵambetov.
2016 jyly qor ekinshi tizbedegi aktıvterdiń 75 paıyzymen jumys istep, memlekettik komıssııanyń kelisimi boıynsha olardy satýǵa kiristi. Iri aktıvterdi satý 2018 jyldyń sońyna deıin aıaqtalady dep josparlanyp otyr.