Astanada Memleket basshysy Nursultan Nazarbaevtyń qatysýymen Parlamenttiń qos palatasynyń birlesken otyrysy ótip jatyr.
Kún tártibinde "Qazaqstan Respýblıkasynyń Konstıtýsııasyna ózgerister men tolyqtyrýlar engizý týraly" Qazaqstan Respýblıkasynyń Zań jobasy.
"Búgin biz el úshin tarıhı máseleni sheshý úshin jınalyp otyrmyz. О́zderińiz bilesizder, qańtarda konstıtýsııalyq reforma jasaý týraly bastama kóterdim. Búginde zań jobasy daıyndaldy. Zań jobasy bir aı boıy qoǵamda talqylandy. Oǵan saıası partııalar, qoǵamdyq birlestikter, belsendiler men azamattyq qoǵam qatysty. Máselege qatysty 6 myńdaı usynys tústi. Keı baptar azamattardyń erekshe nazaryna ilikti. Birlese atqarylǵan jumysta kem-ketik bolmaýy tıis", - dedi Nursultan Nazarbaev.
Elbasy qoǵamdyq saıası ortada reformaǵa qatysty 2 myńnan asa, ǵylymı-shyǵarmashylyq ortada 50-den asa respýblıkalyq deńgeıdegi basqosý, óńirlerde 10 myńǵa jýyq shara ótkizilip, oǵan 2 mıllıonnan astam adam qatysqanyn aıtty.
«On jyl buryn Parlament ókilettigin keńeıtý úderisi iske qosylǵan bolatyn. Osy oraıda Parlament pen Úkimetke qajetti tetikterdi bólip berdik. Osynyń aldyndaǵy reformalar ońtaıly nátıjelerdi berdi, halyq jáne álemdik qoǵamdastyq tarapynan jaqsy qabyldandy. 25 jyl ishinde qol jetkizgen nátıjeler týraly ótken jyly bul mereıtoıdy atap ótý kezinde keńinen aıtylǵan bolatyn»,-dedi Elbasy.
Sonymen qatar Prezıdent Úkimettiń derbestigi keńeıetinin, ıaǵnı Mınıstrler kabınetine ekonomıkany tikeleı basqarý boıynsha ókilettik beriletinin, el azamattarynyń quqyǵyn qorǵaýda Joǵarǵy Sottyń róli kúsheıetinin, sondaı-aq Konstıtýsııalyq qadaǵalaýdyń júıesi nyǵaıatynyn atap ótti.