Astanada ótip jatqan Parlament palatalarynyń birlesken otyrysynda Memleket basshysy Nursultan Nazarbaev Konstıtýsııanyń 26-babyna túzetý engizý týraly aıtty.
«Bir másele jónindegi jaǵdaıǵa toqtala ketý kerek. Jalpyulttyq talqylaý barysynda jalpy Konstıtýsııa boıynsha usynylǵan barlyq jobalar qoldaý tapty dep aıtýǵa bolady. Degenmen, Konstıtýsııanyń 26-babyn qoǵamda kópshilik qoldaǵanymen, pikir qaıshylyqtary da kórindi. Bizdiń saýalnama boıynsha 70 paıyzdan astam adam ony qoldap otyr. Degenmen, menshik máselesi jóninde basqa pikir aıtqan azamattar da bar. Másele jer menshigine baılanysty degen pikirler bar. Ol jóninde máseleler bolǵanyn «Jer týraly» zań qabyldanǵan kezde bilesizder», - dedi Elbasy.
Qazaqstan Prezıdenti Konstıtýsııada jurtshylyq pikiri eskerilýi, konsensýs bolýy tıistigin basa aıtty. «Osy qaǵdıdany ustana otyryp men 26-bapty ózgerissiz burynǵy redaksııada qaldyrý týraly sheshim qabyldap, sizderge usynyp otyrmyn. Talqylaý barysynda sizder de qaraısyzdar dep oılaımyn. Al ózge mańyzdy máselelerge qatysty zań jobasynyń baǵyt-baǵdary aıqyn», - dedi Nazarbaev.
Prezıdent zańdy jolmen ıelengen kez kelgen jeke menshiktiń Konstıtýsııamen qorǵalatynyna basa nazar aýdardy.
Esterińizge sala keteıik, 1 naýryz kúni Memlekettik bılik tarmaqtary arasynda ókilettikterdi qaıta bólý máseleleri jónindegi jumys tobynyń otyrysynda Qazaqstan Respýblıkasy Konstıtýsııasynyń qoldanystaǵy redaksııasynda menshik quqyǵyna qatysty 26-bapqa usynylǵan túzetýler talqylandy. Jumys toby músheleri atalǵan normaǵa usynylǵan ózgeristerge qatysty halyqtan túrli usynys túskeni týraly aıtty. Nursultan Nazarbaev Qazaqstan azamattarynyń pikirin eskerip, 26-bapqa ózgeris engizbeýdi usyndy.
"Konstıtýsııanyń 26-babyn árkim árqalaı túsindi. Konstıtýsııalyq reforma qoǵamdy bir pikirge toptastyrýǵa baǵyttalǵan. Sol úshin men 26-bapty burynǵy redaksııada qaldyrýdy usynamyn. Biz taǵy da halyqqa menshik máselesiniń tek jermen shektelmeıtinin túsindirýimiz kerek. Árkimniń óziniń menshigi bar. Ol úı, jer, jyljymaıtyn jáne jyljymaly múlik. Menshik quqyǵyna bári kiredi. Biz "árkim" degende "azamat" degen uǵym saqtalady. Negizi, «Qazaqstan azamattarynyń» ornyna «árkim» degen ózgeristi engizýdi zańgerler qaýymy tolyǵymen qoldady. Sebebi, sonyń arqasynda elimizge ınvestısııany kóbirek tartýǵa múmkindik bar. Investorlardyń senimi de arta túsedi. Degenmen, asyǵystyq jasamaı-aq qoıalyq. Máseleni keıin qaraımyz. Bizge konsensýs kerek. Osyny keńinen túsindirý qajet. Báribir biz oǵan kelemiz. Jer máselesinde de ondaı bolady. О́ıtkeni, ıesiz jer tozady. Onyń qunarlyǵy joǵalady. Sondyqtan kúnderdiń kúninde ony túsinýimiz kerek. «Iesi joq jer jetim» degen qazaqtyń sózi bar. Talaı ret kórgenbiz, qýraı ósip, jerdiń tozyp ketkenin. Bul bapty keıinge shegere turaıyq», - dedi Nursultan Nazarbaev.