Depýtattar Prezıdenttiń atyna úndeý joldaý arqyly mınıstrlerdi qyzmetinen bosata alady. Al Syrtqy ister jáne Qorǵanys mınıstrlerin Prezıdent taǵaıyndaıdy. Bul týraly búgin Parlament palatalarynyń bilesken otyrysynda Qazaqstan Respýblıkasy Prezıdent Ákimshiliginiń jetekshisi Ádilbek Jaqsybekov aıtty.
Onyń aıtýynsha, bılik tarmaqtary arasynda ókilettikter qaıta bólingennen keıin Parlamenttiń jańa quramy saılanady. Sonymen qatar Úkimettiń quramy da jańadan jasaqtalatyn bolady.
«Úkimettiń quramyn jasaqtaý barysynda Premer-Mınıstr Memleket basshysynyń qaraýyna úmitkerlerdiń tizimin usynady. Biraq aldymen Parlamentpen keńesip alady. Konstıtýsııalyq reformalar aıasynda mańyzdy bir norma bar. Oǵan sáıkes, Úkimet óz ókilettilikterin jańadan saılanǵan Prezıdenttiń aldynda emes, jańadan saılanǵan Parlamenttiń aldynda tapsyrady», - dedi Jaqsybekov
Otyrysta belgili bolǵandaı, Májilis músheleri Úkimettiń quramyn jasaqtaýǵa atsalysyp, mınıstrler kabınetiniń jumysyn baqylaı alady.