Elordada Mega Silk Way oıyn-saýyq ortalyǵynyń ashylýy 6 naýryzǵa josparlanǵan. Qazaqstandaǵy eń iri oıyn-saýyq ortalyǵynyń jáne qosymsha jumys isteýi boıynsha eń iri azamattyq obektiniń aýdany 140 myń sharshy metrdi quraıdy, deıdi Astana ákimdiginiń resmı saıty.
Mega Silk Way OSO ákimshiliginiń ótinishi boıynsha jumys kúnderi kelýshiler sany 30 myńǵa jýyq jáne demalys kúnderi 45 myń bolady, bir aıda kelýshiler sany 1 mıllıonnan aspaq jáne sapaly túrde kólikpen qamtamasyz etýdi qajet etedi.
Qazirgi tańda qoǵamdyq kóliktiń 11 baǵdary atalǵan obektiniń janynan ótedi, sonymen qatar barlyq halyq tyǵyz ornalasqan aýdandar men qalanyń kópshilik baratyn obektileri qamtylady.
Mega Center ákimshiligi mýnısıpalıtetiniń baǵdarlarynan basqa kópshilik baratyn obektilerdi qamtıtyn 2 jeke baǵdardy iske qosý josparlanǵan.
Qabanbaı batyr dańǵyly boıynsha trafıktiń kóp bolýyna baılanysty T. Rysqulov kóshesine burylý kezinde aınalýǵa tyıym salý engizý oryndy. Aınalý múmkindigi Turan-Qabanbaı batyr aınalmasynda qoljetimdi bolady. Atalǵan shara T. Rysqulov pen Qabanbaı batyr qıylystarynda kólik júktemesin birshama tómendetýge múmkindik beredi.
Irgeles aýmaqtardaǵy orynturaqtar ornynyń sany 1700-ge jetedi, al ortalyqtyń parkıngi 440 avtomobılge deıin ornalastyrýǵa múmkindik beredi, bul kiris jáne shyǵys toptarda kólik júktemesiniń paıda bolý qaýipin týdyrady.
Oıyn-saýyq ortalyǵynyń irgeles aýmaqtaryndaǵy jol júrisin uıymdastyrý joramaldanǵan qarqyndylyq pen kólik quraldarynyń atalǵan ýchaskedegi júris jyldamdyǵyn, sondaı-aq orynturaqtar keńistigine suranysty eskerý arqyly ázirlengen.